استانادا سىرتقى ىستەر ءمينيسترىنىڭ ورىنباسارى الەكسەي ۆولكوۆتىڭ جانە اۆستريا رەسپۋبليكاسىنىڭ عىلىم, زەرتتەۋ جانە ەكونوميكا فەدەرالدى ۆيتسە-ءمينيسترى بەرنادەتتە گيرلينگەردىڭ تەڭ ءتوراعالىعىمەن قازاقستان-اۆستريا ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسياسىنىڭ 6-وتىرىسى ءوتتى.
وتىرىس بارىسىندا تاراپتار ەكىجاقتى كۇن ءتارتىبىنىڭ وزەكتى ماسەلەلەرىن, سونىڭ ىشىندە قازاقستان رەسپۋبليكاسى مەن اۆستريا رەسپۋبليكاسىنىڭ ەكونوميكالىق احۋالى, ەكىجاقتى ىنتىماقتاستىقتىڭ قازىرگى جاعدايى مەن بولاشاق مۇمكىندىكتەرى بويىنشى ءداستۇرلى پىكىر الماستى.
كۇن ءتارتىبىنىڭ ارنايى بولىگى رەتىندە اۆستريا رەسپۋبليكاسىنىڭ ەكونوميكا, وتباسى جانە جاستار بويىنشا فەدەرالدى مينيسترلىگى مەن قازاقستان رەسپۋبليكاسى ينۆەستيتسيالار جانە دامۋ مينيسترلىگى اراسىنداعى ەكونوميكالىق ىنتىماقتاستىق ءجونىندەگى جول كارتاسى شەڭبەرىندە باسىمدى جوبالاردىڭ جاڭارتىلعان ءتىزىمى تالقىلاندى.
دەلەگاتسيالار, سونىمەن قاتار, قازاقستان-اۆستريا ىنتىماقتاستىعىنىڭ ەنەرگەتيكا, قورشاعان ورتانى جانە تابيعاتتى قورعاۋ تەحنولوگيالارى, كولىك جانە ينفراقۇرىلىم, اۋىل شارۋاشىلىعى, دەنساۋلىق ساقتاۋ جانە مەديتسينالىق تەحنيكا, جوعارى ءبىلىم بەرۋ جانە ءوڭىرارالىق ىنتىماقتاستىقتى دامىتۋ سالالارىنداعى وزەكتى ماسەلەلەر مەن مۇمكىندىكتەردى تالقىلادى.
كوميccيا وتىرىسىنىڭ شەڭبەرىندە قازاقستان تاراپى ەكسپو-2017 جوباسىنىڭ جانە قازاقستان رەسپۋبليكاسىنا رەسمي كومەك كورسەتۋ تۇجىرىمداماسىنىڭ تۇساۋكەسەرىن وتكىزدى.
«ەگەمەن-اقپارات».