ەلوردادا ورنالاسقان «عاسىر» وقۋ ورتالىعىنا قاتىستى پوليتسياعا بىرنەشە ازاماتتان ۇجىمدىق شاعىم تۇسكەن. شاعىمدانۋشىلار وقۋ ورنى شەتەلدىك جوعارى وقۋ ورىندارىنا تۇسۋگە دايىندىق كۋرستارىن ۋادە ەتىپ, تولىق تولەم العانىمەن, قىزمەت كورسەتىلمەگەنىن مالىمدەگەن, دەپ حابارلايدى Egemen.kz.
استانا قالالىق پوليتسيا دەپارتامەنتىنىڭ حابارلاۋىنشا, ازاماتتار ورتالىقپەن كەلىسىمشارتقا قول قويىپ, وقۋ اقىسىنىڭ تولىق سوماسىن تولەگەن. الايدا ۋادە ەتىلگەن دايىندىق ساباقتارى مۇلدەم وتكىزىلمەگەن.
«اتالعان دەرەك بويىنشا قىلمىستىق ءىس قوزعالدى. قازىرگى تاڭدا تەرگەۋ امالدارى جۇرگىزىلىپ جاتىر. تەرگەۋ بارىسى استانا قالالىق پد باسشىلىعىنىڭ باقىلاۋىندا», دەلىنگەن حابارلامادا.