وبلىستىق توتەنشە جاعدايلار دەپارتامەنتى ماماندارىنىڭ ايتۋىنشا 11 جاسار بالا قاتارلارىمەن ويناپ ءجۇرىپ, كانالعا ءتۇسىپ كەتكەن. وقيعا ورنىنا جەدەل جەتكەن قۇتقارۋشىلار بالانى ىزدەۋگە كىرىسكەنمەن دەنەسى تاۋلىككە جاقىن ۋاقىتتا تابىلدى, دەپ حابارلايدى Egemen.kz.
سۋعا شومىلۋ ماۋسىمى باستالعالى بەرى جەدەل قۇتقارۋشىلار جاساعى سۋ ايدىندارى جاعاسىن ءجىتى قاداعالاپ ءجۇر. جۇرتشىلىق اراسىندا ۇگىت-ناسيحات جۇمىستارى ۇدايى جۇرگىزىلگەنىمەن ەسكەرتۋدى ەلەيتىندەر از بولىپ تۇر.
ولاردىڭ ايتۋىنشا كۇن ىسىعالى بەرى تيتوۆ, اقمەشىت جانە ەسكى بازار ماڭىنان وبلىس ورتالىعىن جاناي اعاتىن داريا جاعالاۋىنا شوعىرلانۋشىلار كوپ. ولاردىڭ اراسىندا مەكتەپ جاسىنداعى بالالار دا از ەمەس. قۇتقارۋشىلار ولاردى اتا-اناسىنا نەمەسە پوليتسيا بولىمشەسىنە تاپسىرادى. تاعى ءبىر ماسەلە - جاعاجايلاردىڭ ازدىعى. بۇكىل وبلىس اۋماعىندا شومىلۋعا لايىقتالعان 4-اق ورىن بار.