استاناداعى كاراوكە-بارلاردىڭ بىرىندە جاپپاي توبەلەس بولىپ, وقيعا ۆيدەوعا ءتۇسىپ قالعان. توبەلەستىڭ بەينەجازباسى الەۋمەتتىك جەلىلەردە تارادى. بۇل جاعدايعا قاتىستى استانا قالالىق پد تۇسىنىكتەمە بەردى, دەپ حابارلايدى Egemen.kz.
پوليتسيانىڭ حابارلاۋىنشا, توبەلەسكە قاتىسقان تۇلعالار انىقتالىپ, ۇستالدى.
- قازىرگى تاڭدا بۇزاقىلىق ماقساتىندا دەنساۋلىققا قاساقانا ورتاشا زيان كەلتىرۋ بابى بويىنشا قىلمىستىق ءىس قوزعالدى, - دەلىنگەن پد حابارلاماسىندا.
سونىمەن قاتار, تەرگەۋ شارالارى جۇرگىزىلىپ, قاجەتتى ساراپتامالار تاعايىندالدى. ءىستىڭ بارىسى الماتى اۋدانى پوليتسيا باسقارماسىنىڭ باقىلاۋىندا.