«تازا قازاقستان» اكتسياسى اياسىندا شالقار اۋدانىنىڭ ورتالىعىندا وتكەن سەنبىلىككە توعىز مەكتەپ, كوپسالالى كوللەدج, اۋداندىق اۋرۋحانا جاستارىنان قۇرىلعان ەرىكتىلەر توبىنىڭ 150 مۇشەسى قاتىسىپ, شالقار كولىنىڭ جاعالاۋىن تۇگەل تازالاپ شىقتى. تازالىق شاراسى جاستار اراسىنداعى سايىس تۇرىندە وتكىزىلدى, دەپ حابارلايدى Egemen.kz.
«كولدىڭ جاعاسىنا جينالعان جاستار بىرنەشە توپقا بولىنگەن سوڭ ءبىز ءار قاتىسۋشىنىڭ قولىنا ءبىر-ءبىر قاپشىقتان ۇلەستىردىك. قاي توپ وزدەرىنە بەرىلگەن قاپشىقتاردى ءبىرىنشى بولىپ تولتىرسا, جەڭىمپاز دەپ تانىلاتىن بولدى. مۇنىڭ تاعى ءبىر ەرەكشەلىگى, قوقىستى كوپ ءارى تەز جيناعاندارعا سىيلىق تاعايىندالدى. ءبىر جاعى جارىس, ەكىنشى جاعىنان تازالىق اكتسياسى رەتىندە وتكىزىلگەن سەنبىلىكتە 1-ورىندى ءا.جانگەلدين اتىنداعى ورتا مەكتەپ جانىنان قۇرىلعان «جاڭا تولقىن» ۆولونتەرلىك توبى يەلەنىپ, ولارعا ءتۇرلى-ءتۇستى پرينتەر تابىس ەتىلدى. ءىى-ورىن العان اۋداندىق اۋرۋحانا جانىنان قۇرىلعان «ساۋلىق» توبىنىڭ جاستارىنا قىسقا تولقىندى پەش تابىستالسا, ءىىى ورىنعا شالقار كوپسالالى كوللەدجىنىڭ «قامقور» ۆولونتەرلىك توبى لايىق دەپ تانىلىپ, مۋزىكالىق دىبىس زورايتقىشتى ۇتتى. سەنبىلىككە بەلسەندى قاتىسقان جاستارعا اۋدان اكىمى جانبولات جيدەحانوۆتىڭ العىس حاتى تابىستالدى», دەيدى شالقار اۋداندىق جاستار رەسۋرستىق ورتالىعىنىڭ باسشىسى ايبەك ەمبەرگەنوۆ.
كەلەسى اپتادا اۋدان ورتالىقتارى مەن ەلدى مەكەندەردە تال وتىرعىزۋ, ساياباقتاردى اباتتاندىرۋ جۇمىستارى جالعاسادى.
اقتوبە وبلىسى.