ستۋدەنت جاستارعا قولايلى جاعداي جاساۋ ماقساتىندا جەكە ينۆەستيتسيالار ەسەبىنەن 120 ستۋدەنتكە ارنالعان زاماناۋي جاتاقحانا بوي كوتەردى, دەپ حابارلايدى Egemen.kz.
جاتاقحانا اۋماعىندا ستۋدەنتتەردىڭ جايلى ءومىر ءسۇرۋى ءۇشىن بارلىق جاعداي قاراستىرىلعان. جارىق ءارى كەڭ بولمەلەر, اس ءۇي, وقۋ جانە دەمالىس ورىندارى, wi-fi جەلىسىمەن جابدىقتالعان كونفەرەنتسيا زالى بۇل ءبىلىم الۋشىلارعا ءتۇرلى ءىس-شارالار ۇيىمداستىرۋعا جانە ونلاين ءبىلىم الۋىنا مۇمكىندىك بەرەدى.
جاستار ساياساتى باسقارماسىنىڭ مالىمەتىنشە, قالادا 127 ستۋدەنتتىك جاتاقحانا بار. وندا 40,3 مىڭنان استام ستۋدەنت تۇرىپ جاتىر. بىلتىر 4304 توسەك-ورىنعا ارنالعان 16 جاڭا نىسان پايدالانۋعا بەرىلگەن. بيىلعى جىلدىڭ سوڭىنا دەيىن تاعى 6000 توسەك-ورىن قوسىلادى دەپ جوسپارلانۋدا. ال جاڭا جاتاقحانادا قازاق ۇلتتىق قىزدار پەداگوگيگالىق ۋنيۆەرسيتەتىنىڭ ستۋدەنتتەرى تۇراتىن بولادى.
قازىرگى كەزدە قالادا ستۋدەنتتەردى جاتاقحانامەن قامتۋ ماقساتىندا جوبالىق كەڭسە جۇمىس ىستەپ جاتىر. كەڭسە جاتاقحانا قۇرىلىسىن ءتيىمدى ۇيلەستىرۋمەن قاتار, مەملەكەتتىك باعدارلامالاردى جۇزەگە اسىرۋعا جانە جاستارعا ارنالعان تۇرعىن ءۇي ينفراقۇرىلىمىن دامىتۋعا ۇلەس قوسىپ كەلەدى.