اعاش ەگۋ ەرىككەننىڭ ەرمەگى مە؟

پەتروپاۆلدىق كەي شەنەۋنىكتەر اراسىندا وسىنداي تۇسىنىك قالىپ­تاسقانىنا قالا ارالاعان سايىن كوز جەتكىزۋگە بولادى وبلىس ورتالىعىنىڭ باس­تى كو­شەلەرى اعاشتان كەندە دەي المايمىز. «جاسىنا جەتىپ, قارتايعاندارى», ءبىر جاعىنان, ەلەكتر, تەلەفون بايلانىسى جەلىلەرىنە بوگەت بولماسىن دەگەن نيەتپەن كەسىلىپ تاستالادى. كوكتەمگە قاراي ورنى وپىرايىپ قالعان جەرلەرگە مۇمكىندىگىنە قاراي جاس كوشەتتەر ەگىلىپ جاتادى. مۇنداي يگى شارالاردىڭ اتقارىلۋى, ياعني قالانى, قورشاعان ورتانى جاسىل جەلەككە وراۋعا, ەكولوگيانى جاقسارتۋعا دەگەن ۇمتىلىس قۇپتارلىق بولعانىمەن, «اتتەگەن-ايلار» دا كەزدەسىپ قالاتىنى كوڭىلگە كىربىڭ ۇيالاتادى. بيىل جازعىتۇرىم ك.سۇتىشەۆ جانە مير كوشەلەرى قيىلىسىندا «ساموۆار» ءدامحاناسىنان «راحمەت» ساۋدا ۇيىنە دەيىنگى ارالىققا ارداگەرلەردىڭ قاتىسۋىمەن وتكەن اكتسيا بارىسىندا ونداعان ءتۇپ اق قايىڭ وتىرعىزىلدى. جاپىراقتارى قىلتيىپ شىعا باستاعان اعاشتاردىڭ بۇتاقتارى ءبىر-بىرىنە تيۋگە جاقىن تۇر. سوڭىرا بويلاپ وسكەن كەزدە اباي كوشەسىندەگى قايىڭدارداي شولتيتىپ كەسىپ تاستاماق پا؟ مامىر ايىنىڭ سوڭىندا تاعى ءبىر قىزىق ناۋقاننىڭ كۋاسى بولدىم. ءوزىم تۇراتىن «بەرەكە» شاعىن اۋدانىنداعى ءا.دوسمۇحامبەتوۆ كوشەسىنە جاپىراعى شىعىپ قالعان, بويى 2 مەتردەن اساتىن 13 ءتۇپ قايىڭ ەگىلدى. ءوسىپ كەتسە ەكەن دەگەن تىلەۋدەمىن. بىراق قا­زىردىڭ وزىندە ولاردىڭ جاس ءسابيدىڭ الاقانىنداي بولىپ ءوسىپ قالعان جاپ-جاسىل جاپىراقتارى قۋراي باستاعان. ويتكەنى, ەگەتىن كەزى ءوتىپ كەتكەن. ەشكىمگە پايداسى جوق ناۋقان­شىلىق كىمگە قاجەت بولدى ەكەن؟ الدە قالا بيۋدجەتىن مايشەلپەكشە كورەتىن بازبىرەۋلەردىڭ ادەيى جاساپ وتىرعان كورپە استىنداعى جاسىرىنباق ويىن-ەرمەگى مە؟ نۇرسايىن ءشارىپ. پەتروپاۆل.