جەتىسۋ وبلىسىنىڭ پروكۋرورلارى اۋداندىق تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسى مەن مەردىگەر ۇيىم ديرەكتورىنا 74 ميلليون تەڭگەدەن استام اقشانى ۇرلادى دەگەن ايىپ تاقتى, دەپ حابارلايدى Egemen.kz.
پروكۋراتۋرانىڭ مالىمەتىنشە, سارقان اۋداندىق تۇرعىن ءۇي كوممۋنالدىق شارۋاشىلىعى ءبولىمىنىڭ باسشىسى مەن مەردىگەر ۇيىمنىڭ ديرەكتورى تۋريستتىك وبەكتىلەردەگى سانيتارلىق-گيگيەنالىق توراپتاردى ورناتۋعا ارنالعان 74,7 ملن تەڭگە بيۋدجەت قاراجاتىن جىمقىرعان.
«پروكۋرورلىق تەكسەرىس, وبەكت ىسكە قوسىلماعانىن, ال بولىنگەن قاراجات شىعىندالىپ كەتكەنىن كورسەتتى. سارقان اۋدانىنىڭ پروكۋراتۋراسىمەن سوتقا دەيىنگى تەرگەپ-تەكسەرۋ باستالىپ, ىس سوتقا دەيىن جەتكىزىلدى. سوت ۇكىمىمەن اۋداندىق تۇرعىن ءۇي كوممۋنالدىق شارۋاشىلىعى ءبولىمىنىڭ باسشىسى مەن مەردىگەر ۇيىمنىڭ ديرەكتورى تۇرلى مەرزىمدەگى باس بوستاندىعىنان ايىرۋ جازالارىنا سوتتالدى», دەلىنگەن حابارلامادا.
سوت ۇكىمى زاڭدى كۇشىنە ەنگەن جوق.