تۇركىستان وبلىسى سايرام اۋدانىندا جەرگىلىكتى تۇرعىن ءوز اۋلاسىندا سورا وسىرگەن, دەپ حابارلايدى Egemen.kz.
سايرام اۋداندىق پوليتسيا باسقارماسىنا جەرگىلىكتى تۇرعىنداردىڭ ءبىرى ءوز ۇيىندە قۇرامىندا ەسىرتكى زاتى بار وسىمدىكتەردى ساقتاۋمەن اينالىساتىنى تۋرالى اقپارات كەلىپ ءتۇستى. پوليتسيا قىزمەتكەرلەرى جەدەل-ىزدەستىرۋ ءىس-شاراسىن جۇرگىزىپ, 51 جاستاعى جەرگىلىكتى تۇرعىندى ۇستادى.
«جەدەل ۋاكىلدەر ونىڭ ۇيىنە ءتىنتۋ جۇرگىزۋ بارىسىندا ءۇيىنىڭ الدىنا ەگىلگەن 281 ەسىرتكىگە ۇقساس وسىمدىكتى تاۋىپ, تاركىلەدى», دەلىنگەن Polisia.kz حابارلاماسىندا.
تابىلعان زاتقا ساراپتاما تاعايىندالىپ, ونىڭ سورا ەكەنى انىقتالدى. قازىر ەر ادامعا قاتىستى سوتقا دەيىنگى تەرگەپ-تەكسەرۋ امالدارى ءجۇرىپ جاتىر.