پرەزيدەنت قاسىم-جومارت توقاەۆقا قازاقستاننىڭ ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە توراعالىعى اياسىندا ۇسىنعان باستامالارى مەن باسىمدىقتارىنىڭ جۇزەگە اسىرىلۋ بارىسى جونىندە مالىمەت بەرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اوسشك باس حاتشىسى قايرات سارىباي پرەزيدەنتكە فورۋمدى ينستيتۋتسيونالدىق تۇرعىدان نىعايتۋ ءۇشىن اتقارىلىپ جاتقان جۇمىستار تۋرالى ايتتى.
مەملەكەت باسشىسى كەڭەستى حالىقارالىق ۇيىمعا اينالدىرۋ جولىندا قازاقستان ايتارلىقتاي بەلسەندىلىك تانىتىپ وتىرعانىن اتاپ ءوتتى. قاسىم-جومارت توقاەۆ اوسشك-ءتىڭ تۇراقتى قۇرىلىمدارى قىزمەتىنىڭ تيىمدىلىگىن ارتتىرۋ جانە ونىڭ گەوگرافياسى مەن سىرتقى بايلانىستارىن كەڭەيتۋ ارقىلى بىرلەستىكتى ودان ءارى دايەكتى تۇردە دامىتۋ قاجەت ەكەنىنە نازار اۋداردى.
كەزدەسۋ سوڭىندا پرەزيدەنت كەڭەس حاتشىلىعىنىڭ قىزمەتىنە ايرىقشا ءمان بەرىپ, ەلىمىز ونىڭ بارلىق دەڭگەيدەگى جۇمىسىنا اتسالىسا بەرەتىنىن مالىمدەدى.