وقۋشىلار ساياحاتقا شىقتى

بالدىرعانداردىڭ العاشقى ساپارىنا تاڭ بوزىنان ءسات ساپار تىلەۋگە كەلگەن وبلىس اكىمىنىڭ ورىنباسارى مارلەن كولباەۆ پەن وبلىستىق ءبىلىم باسقارماسىنىڭ باسشىسى مارات سۇلەيمەنوۆ اقجارما تىلەگىن ارنادى. «سالەم, جاز – 2024» اتتى جازعى دەمالىس ماۋسىمىنىڭ باستالۋىمەن قۇتتىقتاپ, ەستەلىك سۋرەتكە ءتۇستى.

ء«اربىر بالا وتباسىنىڭ جىلۋىن عانا ەمەس, قورشاعان ورتانىڭ دا مەيىرىمىن تولىق سەزىنە ءبىلۋى قاجەت. بارلىق بالا باقىتتى بولۋعا لايىقتى. قازىر وڭىردە بالالاردىڭ جازعى دەمالىسىن جاقسى وتكىزۋ ءۇشىن ءتۇرلى ءىس-شارا قولعا الىنىپ جاتىر. اتا-انالار دا قالىس قالماي, ۇستازدارمەن بىرلەسە جۇمىس ىستەۋ كەرەك. بالا دەگەن باقىتتىڭ بۇلدىرگەنى ەمەس پە, ولار امان بولسا ەلدىڭ بولاشاعى دا جارقىن بولادى», دەيدى م.كولباەۆ.

جالپى, وبلىستا بالالارعا ارنالعان 14 ساۋىقتىرۋ لاگەرى جۇمىس ىستەيدى. ونىڭ ىشىندە 12-ءسى قالا سىرتىنداعى جاز­­عى ساۋىقتىرۋ ورتالىقتارى بولسا, قال­عا­نى – مۇگەدەكتىگى بار بالالارعا ارنال­عان جازعى ساۋىقتىرۋ ورتالىعى مەن دا­رىندى بالالارعا ارنالعان لاگەر. بۇگىن­دە وبلىس­تا 1-10 سىنىپتاعى 121 166 وقۋ­شى­نىڭ 102 630-ى جازعى دەمالىسپەن قام­تىل­عان.

«وقۋشىلار 4 باعىت بويىنشا ساپار­عا­ شىعادى. اتاپ ايتقاندا, بالالار كەر­بۇلاق اۋدانىندا اعارتۋشى عالىم شوقان ءۋالي­حانوۆتىڭ «التىنەمەل» مەموريالدى مۇراجايىن, ۇشتوبە قالاسىندا بىلتىر اشىلعان قاراتال ولكەتانۋ مۇرا­جايىن, اقسۋ اۋدانىنداعى اقىن سارا مۇراجايىن تاماشالاپ, تابيعات كەرەمەتى تامشىبۇلاقپەن تانىسادى. سونداي-اق تالدىقورعان قالاسىنداعى مۇحا­مەتجان تىنىشباەۆ اتىنداعى تاريحي-ولكە­تانۋ مۇراجايىنا, ءىلياس جان­سۇگىروۆتىڭ ادەبي مۇرا­جايىنا ەكسكۋر­سيا جاسايدى. مۇنداي تانىمدىق ەكس­كۋرسيالار جاز بويى جالعاسىپ, وعان وبلى­س­تىڭ بار­لىق اۋدان-قالاسىنداعى وقۋشى­لار قاتى­سا­تىن بولادى», دەدى م.سۇلەيمەنوۆ.

مەكتەپ جانىنداعى لاگەر­لەردە دەمالاتىن بالا­لار تۋريستىك ساياحاتپەن, ەڭبەك­­پەن, شىعارماشىلىقپەن, ينتەل­لەكتۋال­دىق شىڭداۋمەن اينالىسادى. مەكتەپ اۋ­لا­سىنا كيىز ۇيلەر قۇرىلىپ, ۇلتتىق قۇن­­­­دى­لىقتارعا نەگىزدەلگەن ءىس-شارا­لار ۇيىم­­داستىرىلادى. بۇل رەتتە كوگال­دان­دى­­رۋ جانە اتا-انالارىمەن جۇمىسقا 46 507 بالا قاتىسسا, ەكسكۋرسيا 19 820 بالا شى­­­­عادى. ال ۇيىرمەلەر مەن اۋلا كلۋبىنا – 32 700 وقۋشى بارسا, «جاس ۇلان», «جاس قى­­ران», مەكتەپ جانىنداعى تىلدىك مەكتەپ­تەر مەن دەباتتىق قوزعالىسقا 18 998 بالا قا­­­تى­سادى.

ايتا كەتەيىك, «قازاقستان حالقىنا» قو­عام­دىق قورى ەسەبىنەن بالالار دەمالىسىنا 159 ملن تەڭگە قاراس­­تىرىلعان. بۇل مۇمكىندىكتى 1 113 بالا پايدالانباق. ودان بولەك, 242 بالا كوكشەتاۋ, قوناەۆ, الماتى قالا­­لا­رىن­داعى جازعى ساۋىقتىرۋ ورتا­­لىق­­تا­رىن­دا بولادى. بۇگىندە قالا سىر­تىن­­داعى لاگەرلەردىڭ 7-ەۋى سانيتا­ر­لىق-ەپيدەميولوگيالىق باقىلاۋ دەپارتامەنتىنە قورىتىندى الۋعا ءوتىنىم بەرىپ, راسىمدەلۋ ۇستىندە.

«5 لاگەر زەرتحانالىق زەرتتەۋلەرىنىڭ قورىتىندىسىن العانعا تاپسىرىس بەردى. «جالىن» ساۋىقتىرۋ لاگەرىنىڭ قۇجاتى حا­لىققا قىزمەت كورسەتۋ ورتالىعىنا تىر­كەۋگە بەرىلدى. «شاعالا» ساۋىقتىرۋ لاگە­رىن­­دە اعىمداعى جوندەۋ جۇمىستارى جۇر­گى­زىلۋدە. اشىلۋ ۋاقىتى 17 ماۋسىمعا بەل­گى­­لەنىپ وتىر. الداعى ۋاقىتتا ­2 مەم­لەكەت­تىك «تامشىبۇلاق», «قارلىعاش» جانە 3 جەكە­مەنشىك «باستاۋ», «جەتىسۋ», «قار­لى­عاش» لاگەر­لەرى اشىلادى دەپ جوس­پار­لاپ وتىرمىز», دەيدى وبلىستىق ءبىلىم باس­قار­ما­سىنىڭ ورىنباسارى گۇلميرا احمەتوۆا.

وبلىستا مەملەكەتتىك ساتىپ الۋ پور­تا­­­لى ارقىلى 3 771 بالاعا جولداما ۇتىپ ال­عان, ونىڭ 1 856-ى – تالدىقورعان قالا­سى­نىڭ­ بالالارى. بالالاردىڭ 2 847-ءى وبلىس اۋ­ما­­­عىنداعى لاگەردە, قالعانى الماتى وب­لى­­­­سى­نىڭ اۋماعىندا ورنالاسقان لاگەر­دە دە­­ما­لادى.

جەتىسۋ وبلىسى