قارعىن سۋدان زارداپ شەككەن وبلىستاردىڭ اكىمدەرى پرەزيدەنتكە قازىرگى احۋال جايىندا, تابيعي اپاتپەن كۇرەسۋ جانە سۋ تاسقىنىنىڭ زارداپتارىن جويۋ ماقساتىندا قابىلدانعان شارالار جونىندە ەسەپ بەردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ايماق باسشىلارىنىڭ ايتۋىنشا, جالپى جاعداي ءجىتى باقىلاۋدا, تابيعي اپاتپەن كۇرەسۋ ءۇشىن ادام كۇشى دە, تەحنيكا دا جەتكىلىكتى.
ايتا كەتەيىك, پرەزيدەنتتىڭ تاپسىرماسىمەن رەسپۋبليكالىق شتابقا جەتەكشىلىك ەتەتىن پرەمەر-مينيستر ولجاس بەكتەنوۆ باستاعان ۇكىمەت مۇشەلەرى سۋ تاسقىنىنان زارداپ شەككەن ايماقتارعا جىبەرىلگەن ەدى. ازاماتتاردىڭ قاۋىپسىزدىگىن قامتاماسىز ەتۋ باعىتىندا اۋقىمدى جۇمىس اتقارىلىپ جاتىر.