ناۋرىز مەيرامى قارساڭىندا ەلوردالىق ۆوكزالداردىڭ پەررونىنان №3/4 «استانا-الماتى», №85/86 «استانا-شىمكەنت» جانە №7501/7502 «استانا-پاۆلودار» باعىتتارى بويىنشا ەتنيكالىق ستيلدە بەزەندىرىلگەن پويىزدار رەيسكە شىقتى. جولاۋشىلاردى ۇلتتىق كيىم كيگەن جولسەرىكتەر قارسى الدى, دەپ حابارلايدى Egemen.kz «جولاۋشىلار تاسىمالى» اق ءباسپاسوز قىزمەتىنە سىلتەمە جاساپ.
ءىس-شارا بارىسىندا جولاۋشىلار مەن شىعارىپ سالۋشىلار ءۇشىن قازاق حالقىنىڭ مادەنيەتىنىڭ باستى سيمۆولى - دومبىرادا مۋزىكالىق سۇيەمەلدەۋ ۇيىمداستىرىلدى. سونىمەن قاتار ءاربىر جولاۋشىعا مەرەكەلىك كوڭىل-كۇي سىيلايتىن ەلىمىزدىڭ ۇلتتىق تاعامدارى «ناۋرىز كوجە» مەن «باۋىرساق» ۇسىنىلدى.
«ەلىمىزدە اتالىپ وتەتىن مەرەكەلەرمەن جولاۋشىلاردى قۇتتىقتاۋ كومپانيانىڭ يگى داستۇرىنە اينالدى. ايتا كەتەيىك, «جولاۋشىلار تاسىمالى» اق كومپانياسى جىل سايىن جولاۋشىلارعا مەرەكەلىك كوڭىل-كۇي سىيلاي وتىرىپ, پويىزداردى ەرەكشە ستيلدە بەزەندىرۋدى ادەتكە اينالدىرعان», دەپ اتاپ ءوتتى «جولاۋشىلار تاسىمالى» اق باس ديرەكتورى جانىبەك تايجانوۆ.
ەتنيكالىق ستيلدەگى پويىزدار 2024 جىلدىڭ ناۋرىز ايىنىڭ سوڭىنا دەيىن جۇرەدى.
ايتا كەتەيىك, بۇل مەرەكەلىك اكتسيا ەلىمىزدىڭ بارلىق وڭىرلەرىندە وتكىزىلەدى. كومپانيانىڭ جولسەرىكتەرى مەن قىزمەتكەرلەرى پويىزداردىڭ ىشىندە جانە پەررونداردا بارلىق جولاۋشىلاردى ناۋرىز مەيرامىمەن قۇتتىقتايدى.