«قازگيدرومەت» رمك بولجامى بويىنشا, 22 اقپاندا قازاقستاننىڭ باسىم بولىگىندە اياز ساقتالادى, دەپ حابارلايدى Egemen.kz.
تەك ەلدىڭ باتىسىندا, وڭتۇستىگىندە جانە وڭتۇستىك-شىعىسىندا جاۋىن-شاشىن بولادى, كوكتايعاق جانە قار كۇتىلەدى. وڭتۇستىكتە, وڭتۇستىك-شىعىستا جەل كۇشەيەدى, وڭتۇستىك-باتىستا, وڭتۇستىك-شىعىستا تۇمان تۇسەدى.
قاراعاندى وبلىسىنىڭ شىعىسىندا -40 گرادۋس, شىعىس قازاقستان وبلىسىنىڭ سولتۇستىگى مەن شىعىسىندا -45 گرادۋسقا دەيىن وتە قاتتى اياز ساقتالادى, اباي اۋدانىندا -35-40 گرادۋس, تاۋلى ايماقتاردا قاتتى اياز بولادى. جەتىسۋ وبلىسىندا -27 گرادۋسقا دەيىن اياز كۇتىلەدى.