تالدىقورعان قالاسىنداعى «جاستار» سپورت كەشەنىندە شوۋداۋننان جارىس ءوتتى. ءىس-شارانىڭ باستاماشىلارى نازارباەۆ زياتكەرلىك مەكتەبىنىڭ وقۋشىلارى مەن IT-services & Education قوعامدىق جاستار بىرلەستىگى, دەپ حابارلايدى Egemen.kz.
«كوزىڭدى قورعا» - بۇل اكتسيانىڭ نەگىزگى يدەياسى. قازىرگى ۋاقىتتا ادامدارعا ءوز ءومىرىن گادجەتتەرسىز ەلەستەتۋ قيىن. سمارتفوندار, پلانشەتتەر, كومپيۋتەرلەر ءبىزدىڭ ومىرىمىزگە مىقتاپ ەنىپ, ناعىز كومەكشى بولدى. بىراق ءبىز, زاماناۋي تەحنولوگيالار پايدامەن قاتار دەنساۋلىققا, اسىرەسە بالالار مەن جاسوسپىرىمدەردىڭ دەنساۋلىعىنا زيان تيگىزەتىنىن ەستە ۇستاۋىمىز كەرەك.
بۇل كۇنى تەننيس ۇستەلىندە زاعيپ ويىنشىلار عانا ەمەس, NIS وقۋشىلارى دا كەزدەستى. ولاردىڭ قارۋى كوزدەرى ەمەس, قۇلاقتارى ەدى. ەرەجەلەر كادىمگى تەننيستەگىدەي. بىراق جابدىق باسقاشا: دوپ قۇلاپ كەتپەس ءۇشىن بۇيىرلەرى بار ۇستەل, ال راكەتكالار دوڭگەلەك ەمەس, ءتورتبۇرىشتى.
- بيىلعى وقۋ جىلىندا تالدىقورعانداعى NIS پەن IT-services & Education اراسىندا ىنتىماقتاستىق تۋرالى مەموراندۋمعا قول قويىلدى. مەكتەپتە «جارىق» اتتى الەۋمەتتىك جوباسى قۇرىلدى. بۇل جوبا بويىنشا ءبىزدىڭ وقۋشىلار قازاق, ورىس جانە اعىلشىن تىلدەرىندە برايل قارپىن ۇيرەنۋگە ارنالعان قۇرىلعى جاساۋدا, سونىمەن قاتار بىرنەشە اۋديو كىتاپ جازۋ ۇستىندە. ىنتىماقتاستىق اياسىندا بۇل جولى شوۋداۋن تۋرنير ارقىلى «كوزىڭدى قورعا» اكتسياسىن وتكىزدىك, - دەيدى 12 سىنىپ وقۋشىسى ايگۇل ماكەتاەۆا.
- مۇنداي ۇستەل تەننيسىن ءبىرىنشى رەت وينادىم. سول سەبەپتەن ءبارىن ەرەجەگە ساي جاساۋ قيىنعا سوقتى. كوزىلدىرىكتى كيگەن كەزدە, اينالا تىم قاراڭعى... بىراق ءسىز ولاردى شەشىپ, قايتادان كورۋگە بولاتىنىن تۇسىنەسىز, ال كورۋ قابىلەتى بۇزىلعان ادامدار مۇنى ىستەي المايدى. قولدا بارىمىزدى باعالاۋىمىز كەرەك, - دەدى ءوز اسەرىن بولىسكەن 10 سىنىپ وقۋشىسى ءادىل اقجول ۇلى.