جىلدىڭ ۇزدىك تيكتوكەر مۇعالىمدەرى انىقتالدى

بايقاۋعا ەلىمىزدىڭ ءار وڭىرىنەن مۇعالىمدەر قاتىسىپ, گۋمانيتارلىق, جاراتىلىستانۋ جانە تەحنيكالىق پاندەر بويىنشا قىسقا فورماتتاعى بەينەروليكتەرىن جاريالادى. قاتىسۋشىلار جوبانىڭ رەسمي حەشتەگتەرىن #قازاقستانمۇعالىمدەرى مەن #ۋچيتەلياكازاحستانا پايدالاندى, سونىڭ ارقاسىندا قارالىم سانى 800 ميلليوننان اسىپ تۇسكەن.مۇعالىمدەردىڭ TikTok-تاعى بەينەروليكتەرى ساراپقا ءتۇسىپ, جەكەلەي اتالىم بويىنشا ۇزدىكتەر انىقتالدى.«تيكتوك مۇعالىمى 2023»بۇل ساناتتا بەلگىلى ءبىر ءپان بويىنشا اقپارات ناقتى جانە كرەاتيۆتى كورسەتىلگەن بەينەروليك باعالاندى. اتالىم جەڭىمپازى - الماتىداعى فيزيكا ءپانىنىڭ مۇعالىمى حايدار مۋرزاحمەتوۆ. ول قازاق توبىنىڭ تانىمال ءانىن ورىنداپ, بەلگىلى فيزيك يسااك نيۋتون مەن ونىڭ زاڭدارىنا ارناپ بەينەبايان تۇسىرگەن. حايدار TikTok-تى فيزيكا سىندى كۇردەلى ءپاندى دە جالىقتىرماي, شىعارماشىلىق تۇرعىدا كورسەتۋگە بولاتىن edutainment-فورماتى ءۇشىن ءمىنسىز پلاتفورما ەكەنىن تاعى دا دالەلدەدى.«تيكتوك وقىتۋشىسى 2023»بۇل نوميناتسيا بويىنشا ۋنيۆەرسيتەت وقىتۋشىلارى اراسىنان ەڭ كرەاتيۆتى بەينەروليك ۇسىنعان اۆتور جەڭىمپاز اتاندى. جەڭىستى الماتىلىق روبوتوتەحنيكا ءپانىنىڭ مۇعالىمى حامزا داۋلەتبەك يەلەندى. ول ەكى مينۋتتىق بەينەروليكتە Arduino پلاتفورماسىندا روبوتتى ءوز بەتىنشە قۇراستىرۋ جولىن انىق تۇسىندىرە الدى.«مۇعالىم-جاڭالىق»بايقاۋ اياسىندا جاسالعان بەينەروليكتەرى ەڭ كوپ قارالعان مۇعالىم «جاڭالىق» دەپ ەسەپتەلدى. بەينەباياندارى 8 ميلليوننان استام قارالىم جيناعان جەتىسۋ وبلىسى, الاكول اۋدانى, دوستىق اۋىلىنىڭ تۇرعىنى, ورىس ءتىلى مەن ادەبيەتى ءپانىنىڭ مۇعالىمى بوتاگوز وماروۆا جەڭىمپاز اتاندى. ونىڭ ەرەجەلەردى قاراپايىم تۇردە تۇسىندىرگەن ءپوزيتيۆتى بەينەبايانى قازىردىڭ وزىندە 3 ميلليوننان استام رەت قارالدى.«ۇزدىك بەينەروليك»بۇل نوميناتسيادا TikTok-تا ەڭ كوپ قارالعان تانىمدىق بەينەروليكتىڭ اۆتورى يگور گنوەۆ جەڭىمپاز اتاندى. ونىڭ لوگيكالىق جۇمباق تۋرالى تۇسىرگەن بەينەروليگى 5 ميلليون قارالىم جيناعان.

وقۋ-اعارتۋ مينيسترلىگى بايقاۋدىڭ جەڭىمپازدارىنا iPhone 15 Pro Max سمارتفوندارىن تابىستايدى. باعالى سىيلىق مۇعالىمدەرگە ميلليونداعان TikTok قولدانۋشىلارى ءۇشىن بۇدان دا ساپالى بەينەروليكتەر تۇسىرۋگە مۇمكىندىك بەرمەك.

«TikTok-پەن بىرگە جۇزەگە اسىرىلعان جوبامىزدىڭ ارقاسىندا ەلىمىزدەگى پەداگوگتەر جاستارمەن, ءتۇرلى بۋىنداعى ينتەرنەت قولدانىشۋلارىمەن بىرگە ءوز بىلىمدەرىن شىعارماشىلىق تۇرعىدا ءارى قىزىقتى ۇلگىدە ءبولىسۋ مۇمكىندىگىن الدى. ۇستازداردىڭ دا شەت قالماي, ينتەرنەت پلاتفورمالارىن يگىلىككە پايدالانىپ, عىلىم مەن مەكتەپ پاندەرىن كەڭىنەن ناسيحاتتاۋى قۋانتادى. #قازاقستانمۇعالىمدەرى باستاماسىنىڭ ماقساتى – پەداگوگتەردى وقىتۋدىڭ جاڭا شىعارماشىلىق ادىستەرىن اشۋعا شابىتتاندىرۋ, ساباق وقىتۋ قىزىقتى ءارى تارتىمدى ەكەنىن كورسەتۋ جانە ەلىمىزدەگى ءبىلىم بەرۋ مازمۇنىنا قىزىعۋشىلىقتى ارتتىرۋ», دەپ ءتۇسىندىردى قر وقۋ-اعارتۋ مينيسترلىگىنىڭ ءباسپاسوز حاتشىسى مەرەكە امانگەلدىقىزى.