قازاقستان لوۋكوستەرى FlyArystan حالىقتىڭ الەۋمەتتىك وسال توپتارىن قولداۋ ماقساتىندا ءوزىنىڭ كوممەرتسيالىق رەيستەرىنە جەڭىلدىك بەرەتىن «كومەك» كورپوراتيۆتىك الەۋمەتتىك جاۋاپكەرشىلىك جوباسىن رەسمي تۇردە 2024 جىلى 1 اقپاندا ىسكە قوسىلاتىنىن حابارلادى.
ايتا كەتەيىك, بۇعان دەيىن اۋەتاسىمالداۋشى حالىقتىڭ ەرەكشە ساناتتاعى توبىن قولداۋعا نيەت بىلدىرگەن بولاتىن. 2023 جىلدىڭ شىلدەسىندە FlyArystan «كومەك»كورپوراتيۆتىك الەۋمەتتىك جاۋاپكەرشىلىك جوباسىنىڭ پيلوتتىق نۇسقاسىن ۇسىنىپ, مىناداي جەڭىلدىكتەر قاراستىردى:
• ۇلى وتان سوعىسى ارداگەرلەرى مەن ولارعا تەڭەستىرىلگەن ازاماتتارعا, سونداي-اق ولاردى ەرتىپ جۇرەتىن جولاۋشى ءۇشىن قازاقستان بويىنشا ۇشۋعا 100% جەڭىلدىك.
• 1-توپتاعى مۇمكىندىگى شەكتەۋلى جاندار ءۇشىن جانە ولاردى ەرتىپ جۇرەتىن ءبىر ازاماتقا قازاقستان بويىنشا ۇشۋعا 50% جەڭىلدىك قاراستىرىلعان. سونداي-اق وسى ەكى جولاۋشىنىڭ بىرەۋىنە 20 كەلى جۇكتى تەگىن تاسىمالداۋعا مۇمكىندىك بەرىلەدى.
• 80+ جاس ساناتىنداعى قارت ادامدارعا قازاقستان ىشىندە ۇشۋعا 50% جەڭىلدىك.
2023 جىلدىڭ شىلدەسىندە ىسكە قوسىلعان «كومەك» پيلوتتىق جوباسىنىڭ ناتيجەسىندە FlyArystan بۇگىنگە دەيىن 3000-نان استام بيلەتتى جەڭىلدىكپەن ۇسىندى. بۇل ءوز كەزەگىندە ازاماتتاردىڭ بەلگىلى ءبىر توبىنىڭ جەكە شارۋالارى بويىنشا دا, دەنساۋلىق جاعدايىن جاقسارتۋ ماقساتىندا دا ءجۇرىپ-تۇرۋىنا سەپتىگىن تيگىزدى. بۇل باستاما الەۋمەتتىك وسال توپتاردىڭ ءومىر ءسۇرۋ ساپاسىن جاقسارتۋعا, جانە دە سوعان كەدەرگى بولاتىن ماسەلەردىڭ سانىن ازايتۋعا, سونداي-اق اۆياتسيانىڭ ارتىقشىلىعىن تەڭدەي پايدالانۋعا ىقپال ەتەدى.
– «كومەك» الەۋمەتتىك جوباسى تۋرالى ەستىگەننەن كەيىن, ءبىزدىڭ قوعامعا قولداۋ كورسەتۋگە دايىن اۋەكومپانيالاردىڭ بار ەكەنىنە تاڭعالدىم. العاشقىلاردىڭ ءبىرى بولىپ مۇنداي مۇمكىندىكتى پايدالانعاندا مەنىمەن ەرىپ جۇرەتىن ادامعا دا جەڭىلدىك قاراستىراتىنى قۋانتتى, سەبەبى ءجۇرىپ-تۇرۋىم جالعىز وزىمە قيىنعا سوعۋشى ەدى, – دەدى الەۋمەتتىك جەلىلەردە بلوگەر اردان عالىم ۇلى.
ەستەرىڭىزگە سالا كەتەيىك, FlyArystan الەۋمەتتىك جوبالاردىڭ باسقا دا باعىتتارىنا بەلسەندى قاتىسۋدا. كورپوراتيۆتىك الەۋمەتتىك جاۋاپكەرشىلىك باعىتىنداعى ماڭىزدى قادامداردىڭ ءبىرى دەپ اباي وبلىسىندا بولعان ورمان ءورتىنىڭ سالدارىمەن كۇرەس كەزىندە گۋمانيتارلىق جۇكتى تاسىمالداۋعا جاردەمدەسۋدى اتاۋعا بولادى. 2023 جىلدىڭ ماۋسىمىندا FlyArystan ءورت كەزىندە قازا تاپقان جانداردىڭ وتباسىلارىنا جانە ءورتتى جويۋعا قاتىسقان ءورت سوندىرۋشىلەرگە تەگىن بيلەتتەر ۇسىندى. يگى باستامانى جالعاستىرا وتىرىپ, اۋەكومپانيا اپات بولعان ايماقتىڭ ەكوجۇيەسىن قالپىنا كەلتىرۋ بويىنشا بەلسەندى جۇمىس جۇرگىزۋگە دايىن. «Asarume» قوعامدىق ۇيىمىمەن بەلسەندى ىنتىماقتاستىق ناتيجەسىندە, «كەڭ جۇرەك مىڭ بالا» جوباسىنىڭ اياسىندا, قايىرىمدىلىق جانە الەۋمەتتىك باستامالارعا زەيىن قويعان FlyArystan جوبا قاتىسۋشىلارىنا تەگىن بيلەتتەر ۇسىندى. سونداي-اق بالالارعا اۋەكومپانيا تاريحىندا ءوز ۇلەسىن قالدىرۋعا مۇمكىندىك سىيلاپ, فلوتتاعى 16-شى Airbus A320 ۇشاعىنا اتاۋ ۇسىندى.
FlyArystan از قامتىلعان وتباسىلاردىڭ بالالارىنا, ەمدەلۋگە نەمەسە وتا جاساۋعا نيەتتەنگەن اۋىر ناۋقاس جولاۋشىلارعا, سونداي-اق حالىقارالىق جارىستارعا ۇشاتىن وقۋشىلار مەن ستۋدەنتتەرگە قوسىمشا جەڭىلدىكتەر ۇسىنادى. تاسىمالداۋشى مۇنداي سۇرانىستاردى جەكە تۇردە قاراستىرادى.
FlyArystan – قازاقستاندا نەگىزدەلگەن لوۋكوست اۋەكومپانياسى. اۋەكومپانيا ءوز قىزمەتىن 2019 جىلدىڭ مامىر ايىندا باستاپ, بۇگىنگى كۇندە اۋقىمدى باعىتتار جەلىسى بويىنشا قولجەتىمدى باعادا اۋەبيلەتتەردى ۇسىنادى. FlyArystan رەيستەرىن الماتى, استانا, اتىراۋ, اقتاۋ جانە شىمكەنت قالالارىنان Airbus A320 اۋە كەمەلەرىمەن ورىندايدى. قازىرگى تاڭدا اۋەكومپانيا پاركى 18 ۇشاقتان تۇرادى. ىشكى باعىتتارمەن قوسا, گرۋزيا, تۇركيا, ءۇندىستان, ازەربايجان, ءباا, كاتار, قىرعىزستان, وزبەكستان, تاجىكستان جانە قىتايعا رەيستەرىن ورىندايدى. 2022 جىلى FlyArystan Skytrax-تان 4 جۇلدىزدى رەيتينگكە يە بولعان الەمدەگى 12 لوۋكوست اۋەكومپانيالاردىڭ تىزىمىنە ەندى. سونىمەن قاتار FlyArystan Skytrax World Airline Awards 2023 بەدەلدى ماراپاتتاۋ راسىمىندە ورتالىق ازيا مەن تمد ەلدەرىنىڭ اراسىنداعى ۇزدىك لوۋكوست اۋەكومپانيا رەتىندە ماراپاتتالدى.