فۋتبولدان تالدىقورعاننىڭ «جەتىسۋ» كومانداسىنىڭ باس باپكەرى قىزمەتىنە قايرات نۇرداۋلەتوۆ تاعايىندالدى, دەپ حابارلايدى Egemen.kz.
قايرات نۇرداۋلەتوۆ 1982 جىلى دۇنيەگە كەلگەن. كاسىبي ويىنشى رەتىندە «تسسكا-قايرات», «ەسىل-بوگاتىر», «ەرتىس», «قايرات», «توبىل», «استانا» جانە «قايسار» كوماندالارىندا ويىن كورسەتتى.
فۋتبولشى مانسابىن اياقتاعاننان كەيىن ۇلتتىق قۇرامانىڭ جاتتىقتىرۋشىلار شتابىنا ەندى. كەيىن قازاقستان جاستار قۇراماسىنىڭ باس باپكەرى قىزمەتىن اتقاردى.
2023 جىلى تۇركىستان وبلىسىنىڭ «ماقتارال» كلۋبىندا باس باپكەر مىندەتىن اتقارىپ, اتالعان ۇجىمنىڭ پرەمەر-ليگاداعى ورنىن ساقتاپ قالۋعا ۇلەسىن قوستى.
ال «جەتىسۋ» بيىل پرەمەر-ليگادا 11 ورىندى مىسە تۇتتى. باس باپكەر مىندەتىن اسقار قوجابەرگەنوۆ اتقارىپ كەلدى.