پرەزيدەنت ادام قۇقىقتارى تۋرالى جارلىققا قول قويدى

ادام قۇقىقتارى مەن زاڭ ۇستەمدىگىن قورعاۋ جۇيەسىن ودان ءارى دامىتۋ ماقساتىندا قاۋلى ەتەمىن:

1. قوسا بەرىلىپ وتىرعان ادام قۇقىقتارى مەن زاڭ ۇستەمدىگى سالاسىنداعى ءىس-قيمىل جوسپارى (بۇدان ءارى – ءىس-قيمىل جوسپارى) بەكىتىلسىن.

2. قازاقستان رەسپۋبليكاسى ۇكىمەتى:

1) ءىس-قيمىل جوسپارىن ىسكە اسىرۋ بويىنشا قاجەتتى شارالاردى قابىلداسىن;

2) جارتىجىلدىق نەگىزدە 15 شىلدەگە جانە 5 قاڭتارعا دەيىن قازاقستان رەسپۋبليكاسى پرەزيدەنتىنىڭ اكىمشىلىگىنە ءىس-قيمىل جوسپارىنىڭ ورىندالۋ بارىسى تۋرالى اقپارات ۇسىنسىن.

3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

      پرەزيدەنتى                                                             ق.توقاەۆ

استانا, اقوردا, 2023 جىلعى 8 جەلتوقسان