2022 جىلعى دەرەكتەر بويىنشا اقمولا وبلىسىنداعى ينۆەستيتسيالاردىڭ ەڭ كوپ ۇلەسى جەكە مەنشىك كاسىپورىندارىنا – 70%, شەتەلدىك مەنشىگى بار كاسىپورىندارعا – 25%, مەملەكەتتىك مەنشىگى بار كاسىپورىندارعا – 5% تيەسىلى بولعان, دەپ حابارلايدى Egemen.kz.
ەكونوميكالىق زەرتتەۋلەر ينستيتۋتى وڭىرلىك زەرتتەۋلەر ورتالىعى ديرەكتورىنىڭ ورىنباسارى ازامات سامەنوۆتىڭ زەرتتەۋ ەڭبەگىن جاريالادى. وندا اقمولا وبلىسى ينۆەستورلار ءۇشىن نەسىمەن تارتىمدى ەكەنى جازىلعان. اۆتوردىڭ ايتۋىنشا, وعان ءۇش ءتۇرلى فاكتور سەبەپ.
بىرىنشىدەن, ءوڭىردىڭ گەوگرافيالىق ورنى ينۆەستورلار ءۇشىن وتە ءتيىمدى. ۇلتتىق ستاتيستيكالىق بيۋرونىڭ 2022 جىلعا ارنالعان ينۆەستيتسيا كولەمى تۋرالى مالىمەتتەرىن تالدايتىن بولساق, اقمولا وبلىسىندا مەملەكەتتىك كاسىپورىندار مەن ۇيىمدار بويىنشا ينۆەستيتسيالاردىڭ ەڭ كوپ ۇلەسى تسەلينوگراد, اقكول, ارشالى اۋداندارىندا, سونداي-اق قوسشى جانە كوكشەتاۋ قالالارىندا بايقالادى. ءبىر قىزىعى, 4 كوشباسشى استانا مەگاپوليسىنە جاقىن ورنالاسقان جانە مەملەكەتتىك ينۆەستيتسيانىڭ 66% قۇراعان. سونىمەن قاتار بۇل اۋدانداردا قوسشىنى ەسكەرە وتىرىپ, اقمولا وبلىسى حالقىنىڭ 23% -ى تۇرادى. سونىمەن قاتار شەتەلدىك ينۆەستيتسيالاردىڭ 84%-دان استامى بىرەگەي بۋراباي اۋدانىنا سالىنعان. ودان كەيىن ارشالى اۋدانى, كوكشەتاۋ جانە ستەپنوگورسك – اقمولا وبلىسىنىڭ جالعىز مونوقالاسى. كوكشەتاۋ مەن استانا اراسىندا اۆتوباننىڭ بولۋى دا اكتيۆتەرگە ينۆەستيتسيا سالۋ ءۇشىن قولايلى.
ەكىنشىدەن, مۇندا ينفراقۇرىلىم جاقسى دامىعان. ەلوردا مەن وبلىس ورتالىعى – كوكشەتاۋ قالاسىنىڭ اينالاسىندا ەڭبەك رەسۋرستارىنىڭ بولۋى ينۆەستيتسيا تارتۋ ءۇشىن ءتيىمدى.
ۇشىنشىدەن, ادام رەسۋرستارى ماڭىزدى. بۇل رەتتە ءىرى اگلومەراتسيالاردىڭ جانىندا بيزنەستى الەۋەتتى دامىتا الاتىن تۇراقتى كوشى-قون اعىنى بار. ماسەلەن, سوڭعى ونجىلدىقتا استانا قالاسىنىڭ حالىق سانى 74,1% نەمەسە ەكى ەسەگە جۋىق ءوستى. استانادا حالىق ءوسىمىنىڭ جىل سايىنعى قارقىنى 2,3%-دان 11,5%-عا دەيىن اۋىتقيدى. اقمولا وبلىسىندا حالىق سانى 2016 جىلدان باستاپ تومەندەگەن. ال 2021 جىلعى ۇلتتىق ساناق ناتيجەلەرى بويىنشا حالىق سانى 6,8%, ال 2022 جىلى 0,3% وسكەن. ناتيجەسىندە ون جىل ىشىندە ولاردىڭ سانى 7,5% ءوستى. حالىقتىڭ ءوسۋى وبلىستىڭ استانا قالاسىنا جاقىن ورنالاسۋىمەن جانە وڭىردەگى اكىمشىلىك-اۋماقتىق وزگەرىستەرمەن بايلانىستى. سوندىقتان اقمولا وبلىسى ادامي رەسۋرستارعا قول جەتكىزۋ تۇرعىسىنان ينۆەستورلار ءۇشىن تارتىمدى ءوڭىر بولىپ وتىر.