«قازاقستان-قىتاي حالىقارالىق ونەركاسىپ قالاسى» جشس جوباسى «قورعاس-شىعىس قاقپاسى» اەا اۋماعىندا قازۋ جۇمىستارىن باستادى. كاسىپورىن 200 گەكتار اۋماقتا قۇرىلىستىڭ ءبىرىنشى كەزەڭىن ىسكە اسىرىپ جاتىر. ونىڭ ىشىندە ينجەنەرلىك جەلىلەر مەن ماگيسترالدىق كوشەننىڭ قۇرىلىسى دا بار.
سونداي-اق 2023 جىلدىڭ قاراشاسىنان ينۆەستورلار قۇرىلىستىڭ ءبىرىنشى كەزەگىندە اەا اۋماعىنان تىس اكىمشىلىك عيماراتتار مەن قوناقۇي نىساندارىنىڭ قۇرىلىسىن باستاۋدى جوسپارلاپ وتىر.
جوبانىڭ ماقساتى – يندۋستريالدى پارك سالۋ, «قورعاس – شىعىس قاقپاسى» اەا-دا وندىرىستىك جانە لوگيستيكالىق قىزمەت كورسەتۋدى ۇيىمداستىرۋ. ونىڭ جالپى قۇنى 330 ملرد تەڭگەنى قۇراپ وتىر. جاقىن ەلدى مەكەن تۇرعىندارى ءۇشىن 2 مىڭنان استام جۇمىس ورنى اشىلادى.
وسى رەتتە بىرىككەن ۇلتتار ۇيىمىنىڭ ورتا ازياداعى ەسىرتكىگە جانە قىلمىسقا قارسى كۇرەس بويىنشا ايماقتىق باسقارماسىنىڭ وكىلدەرى جەتىسۋ وبلىسى بويىنشا مەملەكەتتىك كىرىستەر دەپارتامەنتى «التىنكول-جول», «نۇر جولى» كەدەن بەكەتتەرىنىڭ جانە «قورعاس ەركىن ەكونوميكالىق ايماعى شىعىس قاقپاسى» جۇمىسىمەن تانىستى.
دەلەگاتسيا قۇرامىندا بۇۇ-نىڭ ۆەنا قالاسىنداعى ەسىرتكىگە قارسى كۇرەس باسقارماسىنىڭ شەكارانى باسقارۋ سەكتورىنىڭ جەتەكشىسى الان كوۋل, سول باسقارمانىڭ ۇيلەستىرۋ ءبولىمىنىڭ باسشىسى توفيك مۋرشۋدلۋ, ايماقتاعى وكىلى اشيتا ميتتال, ورتالىق ازيا بويىنشا باعدارلامانىڭ ۇيلەستىرۋشىسى ساردور اتاشيكوۆ بولدى. ولار ەسىرتكىگە قارسى كۇرەستە اتقارىلىپ جاتقان جۇمىستارعا, كەدەندىك تەكسەرۋ مەن رەسىمدەۋ ۇدەرىستەرىنىڭ زاماناۋي تالاپتارعا ساي اۆتوماتتى جۇيەگە كوشكەنىنە جانە كەدەن بەكەتتەرىنىڭ كەدەندىك تەكسەرۋدىڭ وزىق ۇلگىدەگى قۇرالدارىمەن جابدىقتالۋ ماسەلەلەرىنە وڭ باعالارىن بەردى.
جەتىسۋ وبلىسى