ۇلتتىق ستاتيستيكا بيۋروسى 2021 جىلعى قازاقستان رەسپۋبليكاسى حالقىنىڭ ۇلتتىق ساناعىنىڭ قورىتىندىلارىن جاريالادى. ساناق بويىنشا ەلىمىزدەگى حالىقتىڭ ۇلتتىق قۇرامىنىڭ ءوسۋى دە كوڭىل قۋانتادى.
2009 جىلى جۇرگىزىلگەن حالىق ساناعىندا قازاقستاندا قازاق ۇلتىنىڭ سانى 10 096 763 ادام بولسا, اراعا ءبىر مۇشەل سالىپ 2021 جىلى جۇرگىزىلگەن ساناقتا 13 497 891 ادامعا كوبەيىپتى. ياعني 12 جىل ىشىندە قازاق ۇلتىنىڭ سانى قازاقستاندا 3 401 128 ادامعا ءوستى. ورىس ۇلتىنىڭ وكىلدەرى 2009 جىلعى ساناقتا 3 793 764 ادام بولسا, 2021 جىلى سانى كەمىگەنى بايقالىپ, 2 981 946 ادام ساناققا الىنعان. وزگە ۇلت وكىلدەرىنىڭ ىشىندە ورىستاردان كەيىن باۋىرلاس تۇرىك ۇلتىنىڭ وكىلدەرىندە دە كەمۋ بار. 2009 جىلعا دەيىن 97 015 ادام بولسا, 2021 جىلى 85 478 ادامعا دەيىن ازايعان. نەمىستەر 12 جىلدىڭ ىشىندە 47 683 ادامعا, وزبەكتەر 157 050 ادامعا, ۋكرايندار 54 296, ۇيعىرلار 65 624 ادامعا كوبەيگەن. ەلىمىزدە تۇراتىن باسقا ۇلت وكىلدەرىنىڭ دە سانى ەداۋىر ارتقانى, ءوسۋ قارقىنى جوعارى ەكەنى بايقالادى.
ءبىز بۇعان دەيىن 2021 جىلعى ساناق بويىنشا ەلىمىزدە حالىق سانى 19 ميلليوننان اسقانىن الماتى مەن تۇركىستان وبلىستارىندا جانە الماتى قالاسىنداعى جان سانى 2 ميلليوننان اسقانىن جازعان بولاتىنبىز.