استانادا Nobel Fest عىلىمي فەستيۆالى اياسىندا وقۋ-اعارتۋ مينيسترلىگىنىڭ قولداۋىمەن قازاقستان تاريحىندا العاش رەت ۇيىمداستىرىلعان – پەداگوگتەردىڭ اشىق ۇلتتىق ءسامميتى ءوتىپ, وعان الەمنىڭ ەڭ ۇزدىك ۇستازدارى قاتىستى, دەپ حابارلايدى Egemen.kz.
ۆەدومستۆونىڭ مالىمەتىنشە, پەداگوگتەر ءسامميتى – مۇعالىمدەر, اتا-انالار جانە مەكتەپ باسشىلىعى ءۇشىن كاسىبي ءبىلىم بەرۋ پلاتفورماسىن قۇرۋعا باعىتتالعان باستاما.
بىرەگەي شارانىڭ اشىلۋىندا وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆا ءسوز سويلەپ: «بۇل شارادا ءتۇرلى مادەنيەتتەر, تىلدەر مەن پەداگوگيكالىق تاسىلدەر توعىستىرىلدى. ەڭ باستىسى, بۇل شارادا شاكىرتىنە تولىققاندى ءبىلىم بەرۋ ءۇشىن ءوز بىلىكتىلىگىن ۇنەمى ارتتىرىپ, جەتىلدىرىپ وتىراتىن پەداگوگتى ءبىرىنشى ورىنعا قويىپ وتىرمىز», دەدى.
ايتا كەتسەك, Nobel Fest - حالىقارالىق EdTech پلاتفورماسى. فەستيۆالدىڭ باستى ماقساتى – وتانداستارىمىزدى بىلىمگە, عىلىمعا جانە يننوۆاتسياعا باۋلۋ.