ەليتالىق قورعانىس قۇرىلىمى

العاشقىدا دەسانتتىق شابۋىلداۋشى بريگاداسىنىڭ بازاسىندا ەليتالىق اسكەرلەر – ءموبيلدى كۇشتەر رەتىندە پايدا بولعان بۇل قۇرىلىم كەيىننەن اەروۇتقىر اسكەرلەر بولىپ وزگەرتىلسە, 2017 جىلدان بەرى دەسانتتىق شابۋىلداۋشى اسكەرلەر رەتىندە قايتا قۇرىل­دى. ەلدىڭ بارلىق باعىتىنداعى اسكە­ري توپتاردى كۇشەيتۋ, سونداي-اق ولارعا دەربەس­تىك بەرۋ ماقساتىندا وتكەن جىلى جەلتوق­سان ايىندا دەسانتتىق شابۋىلداۋشى اس­كەرلەر قۇرلىق اسكەرلەرىنىڭ قۇ­را­مىنان شىعارىلىپ, قازاق­ستان قارۋ­لى كۇش­تەرى باس شتابى باستىعىنىڭ قول استىنا بەرىلدى.

دەسانتتىق شابۋىلداۋشى اسكەرلەر تاريحىنىڭ جارقىن بەتتەرىنىڭ ءبىرى رەتىندە ونىڭ بىتىمگەرلىك قىزمەتىنە توقتاعان ءجون. اتاپ ايتقاندا, 2003 جىلدان 2008 جىلعا دەيىن 35-دەسانتتىق شابۋىلداۋشى بريگاداسى بولىمشەسىنىڭ بازاسىندا قۇرىلعان قازاقستاندىق بىتىمگەرلىك باتالونىنىڭ ينجە­نەرلىك-ساپەرلىك جاساعى يراك حالقىنا ەلدى قالپىنا كەل­تىرۋگە, تۇراقتىلىق پەن قا­ۋىپ­­سىزدىكتى قامتاماسىز ەتۋگە كو­مەك كورسەتتى. 2018 جىلى بۇۇ قول­داۋىمەن ءبىزدىڭ دەسانت­شى­لار ليۆان رەسپۋبليكاسىنا بىتىم­گەر­لىك ميسسياسىن ورىنداۋعا ءبىرىنشى بولىپ اتتاندى. قازاق بىتىم­گەرلەرى بۇگىندە ليۆان-يزرايل شەكاراسىنداعى ءۇندى باتالونىنىڭ قۇرامىندا قىز­مەت اتقارادى.

دەسانتتىق شابۋىلداۋشى اسكەرلەر – جوعارى ءموبيلدى جانە زاماناۋي تەحنيكامەن جاراق­تالعان جاۋىنگەرلەر توبى, جو­عار­عى باس قولباسشىنىڭ رەزەرۆى, جاۋىنگەرلىك تاپسىرمالاردى جاۋ تىلىندا دا ورىنداۋعا قا­بى­لەتتى نەگىزگى كۇش. قازىرگى ۋا­قىتتا اسكەرلەردىڭ جاۋىنگەرلىك دايىندىق جۇيەسىندەگى كەيبىر تاسىلدەر قايتا قاراستىرىلىپ جاتىر. دۇنيەنىڭ ءار بۇرىشىندا تۇتانعان قارۋلى قاقتىعىستارعا تالداۋ جاساي وتىرىپ, اسكەرلەردى قولدانۋدىڭ ءتيىمدى فورمالارىنا, ادىستەرىنە جانە تاكتيكاسىنا جاڭا ەلەمەنتتەر ەنگىزىلۋ ۇستىندە. دەسانتشى جاۋىنگەرلەردىڭ دا­يىن­دىعى مەن شەبەرلىگىنىڭ دەڭ­گەيى وقۋ-جاتتىعۋلار بارىسىندا سىنالىپ, ءتيىستى قورىتىندى جاسالىپ وتىرادى

ءار جىلدارى ەلىمىزدىڭ دە­سانت­تىق شابۋىلداۋشى اس­كەر­لەرىنىڭ قالىپتاسۋى مەن دامۋىنا گەنەرال-مايور ءۋالي ەلامانوۆ, گەنەرال-پولكوۆنيك ساكەن جاسۇزاقوۆ, گەنەرال-لەيتەنانت مۇرات مايكەەۆ, گەنەرال-مايور­لار ادىلبەك الدابەرگەنوۆ, داۋلەت وسپانوۆ, قايدار قارا­قۇلوۆ, قانىش ابۋباكىروۆ, مەرەكە كوشەكباەۆ سىندى قول­­باس­­شىلار زور ۇلەس قوستى. قا­زىر دەسانتتىق شابۋىلداۋشى اسكەرلەردىڭ قولباسشىسى – گەنەرال-مايور الماز جۇماكەەۆ.

ەلوردامىزداعى 68665 اسكەري ءبولىمى كومانديرىنىڭ ورىنباسارى, پودپولكوۆنيك تالعات جولدىباي ۇلىنىڭ ايتۋىنشا, بۇل اسكەري قۇرىلىمعا جاۋىنگەرلەردى الۋ بارىسىندا بىرقاتار جوعارى تالاپ قويىلادى. ماسەلەن, ولار­دىڭ دەنساۋلىقتارىنىڭ جا­رام­دىلىعى ا ساناتىنا جاتۋ­عا ءتيىس. بويلارى 170 سم-دەن كەم بولماۋى كەرەك. سپورت­تىق دا­يىندىعى بولعانى ابزال. دەسانتتىق شابۋىلداۋشى اسكەر­لەردە قىزمەت ەتۋ قاشان دا بەدەلدى بولعان جانە سولاي بولىپ قالا بەرمەك. سوندىقتان مۇندا ىرىكتەۋ وتە مۇقيات جۇر­گىزىلەدى. بۇگىندە مەرزىمدى قىز­مە­تىن وتكەرىپ جۇرگەندەردىڭ كوبى سپورتتىق دارەجەلەرى بار جانە پسي­حولوگيالىق تۇرعىدان مىقتى ازاماتتار.