يتاليانىڭ پرەمەر-ءمينيسترى دجوردجا مەلونيدىڭ استاناعا جوسپارلاعان ساپارى بولمايتىن بولدى, دەپ حابارلايدى Egemen.kz.
بۇل تۋرالى قازاقستان پرەزيدەنتىنىڭ ءباسپاسوز حاتشىسى رۋسلان جەلدىباي Facebook-تە حابارلادى.
«ەميليا-رومانيا ايماعىندا بولعان جويقىن سۋ تاسقىنى سالدارىنان كوپتەگەن ادامنىڭ قازا تابۋىنا بايلانىستى يتاليا پرەمەر-ءمينيسترى دجوردجا مەلوني تابيعات اپاتىنان زارداپ شەككەن وڭىرلەرگە بارۋ ءۇشىن حيروسيمادا ءوتىپ جاتقان G7 سامميتىنە سوڭىنا دەيىن قاتىسپاي, ەلىنە قايتىپ بارادى. كەلىپ تۇسكەن مالىمەت بويىنشا يتاليانىڭ سولتۇستىگىندە كەم دەگەندە 40-تان استام ەلدى مەكەن سۋ استىندا قالىپ, 20 مىڭنان استام ادام باسپاناسىنان ايىرىلدى. وسى سەبەپكە بايلانىستى يتاليا ۇكىمەتى باسشىسىنىڭ استاناعا جوسپارلانعان جۇمىس ساپارى بولمايدى», دەپ جازدى رۋسلان جەلدىباي.
رۋسلان جەلدىبايدىڭ جازۋىنشا, يتاليا تاراپى پرەزيدەنت قاسىم-جومارت توقاەۆ پەن دجوردجا مەلونيدىڭ تەلەفون ارقىلى سويلەسۋىن ۇيىمداستىرۋدى سۇراعان.