ءوڭىر حالقىمەن كەزدەسۋ

تۇرعىندارمەن كەزدەسۋ بارىسىندا ا.شاكقاليەۆ الەۋ­مەتتىك ماڭىزى زور ازىق-ت ۇلىك تاۋارلارىنىڭ باعا­سىن رەتتەۋ باعىتىندا اتقارى­لىپ جاتقان جۇمىستار تۋرالى جان-جاقتى اڭگىمەلەدى. سونىمەن قاتار كاسىپكەرلەر تاراپىنان قويىلعان ساۋالدارعا جاۋاپ بەردى.

ءبىرىنشى ۆيتسە-ءمينيستردىڭ سوزىنە سەنسەك, ۇكىمەت نەگىزگى ازىق-ت ۇلىك باعاسىنىڭ ءوسۋ قارقىنىن توقتاتۋعا دەن قويىپ وتىر. كەيىنگى بىرنەشە اپتانىڭ بەدەرىندە باعانىڭ شارىقتاۋى 0,1 پايىز شەگىندە بولعان. جىل باسىنان بەرى 3,4 پايىزدى قۇراعان. بيىلعى ماۋسىمارالىق كەزەڭدە 139,5 مىڭ توننا ءونىم قالىپتاستىرىلىپ, بۇگىنگە دەيىن 58,4 مىڭ توننا ءونىم ساتىلعان. ونىڭ ىشىندە كارتوپ 27,5 مىڭ توننا, ءسابىز 11 مىڭ توننا, پياز 10 مىڭ توننا, قىرىققابات 9,9 مىڭ تونناعا جەتكەن.

باسقوسۋ بارىسىندا ءوڭىر تۇر­عىندارى بازارلاردى جاڭ­عىر­تۋ, جەرگىلىكتى ونىمدەردى ساتۋ بو­يىنشا تۋىنداعان ماسەلەلەردى كوتەردى. ناقتىراق ايتساق, «جىبەك جولى» بازارىنىڭ باسشىسى سايات جانبولاتوۆ بازارلاردى جاڭعىرتۋ ماسەلەسىنە توقتالدى. اتاپ ايتقاندا, بازار يەلەرىنە نىساندى زاماناۋي فورماتقا كەلتىرۋ ءۇشىن قانداي مەملەكەتتىك قولداۋدى پايدالانۋعا بولاتىنىن سۇرادى.

ءوز سوزىندە ا.شاكقاليەۆ مينيسترلىك مەملەكەتتىك قولداۋ قۇرال­دارىن ىسكە قوسۋ بويىنشا جۇمىس جۇرگىزىپ جاتقانىن حابارلادى. اۋدانى كەمىندە ءبىر مىڭ شارشى مەتر ساۋدا, ويىن-ساۋىق ورتالىقتارىن قوسپاعاندا, ساۋدا قىزمەتىندەگى قۇرىلىس, ساۋدا ورتا­لىقتارىن, قازىرگى زامانعى فور­ماتتاعى ساۋدا وبەكتىلەرىن جانە كوپفۋنكتسيونالدى كە­شەن­دەردى كەڭەيتۋ جوبالارى سىي­اقىسىنىڭ پايىزدىق مولشەر­لەمەسىنىڭ ءبىر بولىگىن سۋبسيديالاۋ بولجانىپ وتىرعانىن ايتتى.

كەزدەسۋدە ءسوز العان «كوك­جيەك-2030» جشس باس ديرەكتورى ابدىقالي بەگىمبەتوۆ ءوز ءونىمىن ساتا الماي وتىرعانىن جەتكىزدى. بۇل ماسەلە مەزەتىندە شەشىمىن تاپتى. «نۇريسلام» سۋپەرماركەتىنىڭ ديرەكتورى سەرىك قارىمساقوۆ ءسۇت ونىمدەرىن قابىلداۋعا دايىن ەكەنىن ايتىپ, «كوكجيەك-2030» جشس ديرەكتورىمەن جان-جاقتى اڭگى­مەلەسۋگە دايىن ەكەنىن جەتكىزدى. ءوڭىر تۇرعىندارىمەن كەزدەسۋ سوڭىندا باق وكىلدەرىنىڭ قاتى­سۋىمەن بريفينگ ۇيىم­داس­تىرىلىپ, جۋرناليستەر تاراپى­نان قويىل­عان ساۋالدارعا ا.شاكقاليەۆ جان-جاقتى جاۋاپ بەردى.

ءىسساپار بارىسىندا ارمان شاكقاليەۆ پەن تاراز قالاسىنىڭ اكىمى باقىتجان ورىنبەكوۆ قالاداعى «نۇريسلام» ساۋدا جەلىسىنە باردى. ساۋدا وبەكتى­لەرىندەگى باعامەن تانىس­قان ءبىرىنشى ۆيتسە-مينيستر مەملەكەت تاراپىنان كاسىپكەرلىكتى كەڭىنەن قولداۋ جالعاساتىنىن اتاپ ءوتتى. سونداي-اق ارمان شاكقاليەۆ قورداي اۋدانىندا ورنالاسقان كوكونىس قويماسىنىڭ قىزمەتىمەن تانىستى. كومپانيا پياز­دى ساقتاۋعا ماماندانعان. كەيىننەن ءبىرىنشى-ۆيتسە-مينيستر قورداي اۋدانى اكىمدىگىندە ءوڭىر باسشىلارىمەن كەزدەسىپ, وندا اۋىل شارۋاشىلىعى وندىرۋشىلەرىنەن ءونىمدى ساتقانعا دەيىن ساقتاۋعا كەلىسىمشارت جاساۋعا مۇمكىندىك بەرەتىن فورۆاردتىق ساتىپ الۋ ماسەلەلەرىن تالقىلاندى.

ا.شاكقاليەۆ وڭىرگە ءىسساپارى بارىسىندا «Zhambyl Economic and Investment Forum-2023» حالىقارالىق ەكونوميكالىق ينۆەستيتسيالىق فورۋمىنىڭ پلەنارلىق وتىرىسىنا, «قازاق­ستاننىڭ ۇزدىك تاۋارى» كورمە-كونكۋرسى جەڭىمپازدارىن ماراپاتتاۋ راسىمىنە قاتىستى.

جامبىل وبلىسى