استانا. 5 شىلدە. بۇگىن ءتۇن ورتاسى اۋا فورتالەزا قالاسىندا برازيليا جانە كولۋمبيا قۇرامالارى شيرەك فينالدىق ويىن وتكىزىپ, «سەلەساو» 2:1 ەسەبىمەن باسىم ءتۇستى. بۇل تۋرالى egemen.kz حابارلادى.
ماتچتا برازيليالىقتان نەگىزىنەن ەڭبەك ءسىڭىرىپ جەڭىسكە جەتتى. ولار ءار تايمدا ءبىر گولدان سوعىپ, وسى باسىمدىقتارىن دالەلدەي ءتۇستى.فيليپە لۋيس سكولاريدىڭ شاكىرتتەرى ەكىنشى نومىرمەن ويناۋعا كوشكەن جوق.
برازيليا – كولۋمبيا 2:1 (1:0).
5 شىلدە. فورتالەزا. «كاستەلان» ستاديونى. 60 342 كورەرمەن. تورەشى – كارلوس ۆەلاسكو كاربالو (يسپانيا).
برازيليا: جۋليو سەزار, مايكون, تياگو سيلۆا, داۆيد لۋيس, مارسەلو, فەرناندينو, پاۋلينو (ەرنانەس, 86), حالك (راميرەس, 83), نەيمار (ەنريكە, 88), فرەد.
كولۋمبيا: داۆيد وسپينا, حۋان سۋنيگا, كريستيان ساپاتا, ماريو يەپەس, پابلو ارمەرو, حۋان كۋادرادو (حۋان كينتەرو, 81), فرەدي گۋارين, كارلوس سانچەس, ۆيكتور يباربو (ادريان راموس, 46), دجەيمس رودريگەس, تەوفيلو گۋتەررەس (كارلوس باككا, 70).
گولدار: تياگو سيلۆا (7), داۆيد لۋيس (69), دجەيمس رودريگەس (80, پەنالتي).
ەسكەرتۋلەر: تياگو سيلۆا (64), جۋليو سەزار (78) – دجەيمس رودريگەس (68), ماريو يەپەس (69).
الاڭ يەلەرى ەسەپتى كوپ ۇزاماي اشتى. ولار 7-مينۋتتا-اق العا شىقتى. ول بۇرىشتاما بەرىلگەن كەزدە سالىندى. اۋەلەپ كەلگەن دوپقا تياگو سيلۆا بارىنەن بۇرىن جەتتى. الەمنىڭ بەس دۇركىن چەمپيوندارى بۇدان كەيىن دە قورعانىسقا الاڭدامادى. ولار كولكۋمبيالىقتارمەن ويىندا تەك شابۋىلدىڭ عانا ءتيىمدى بولاتىنىن جاقسى ۇعىندى. سوندىقتان قارسىلاستارىنا دوپتى كوپ بەرە قويمادى. شابۋىلدى دا كوبىرەك جاسادى. گول سوعاتىن مۇمكىندىكتەرى دە كوپ بولدى.
ۇزىلىستەن كەيىن ەكى جاقتىڭ ويىنى تەڭەستى. كولۋمبيا شابۋىلعا باتىل شىعا باستادى. پەنتاكامپەونداردىڭ جورىقتارى دا قاۋىپتى بولا ءتۇستى. تايمنىڭ ورتاسىندا ولار وسى شولعىنداردىڭ ءبىرىن گولعا اينالدىردى. ونى ايىپ دوبىنان داۆيد لۋيس كەرەمەت قاتتى سوققىمەن ءتۇسىردى. بۇل برازيليالىقتاردىڭ باسىمدىعىن ارتتىردى. كولۋمبيانىڭ شابۋىلى كوپ جۇمباق بولا قويمادى. بۇل ەلدىڭ كومانداسى ماتچتاعى جالعىز قارىمتا دوپتى پەنالتيدەن سالدى. ول قاقپاشى جۋليو سەزاردىڭ شابۋىلشى كارلوس باككانىڭ اياعىنا ۇمتىلىپ, قۇلاتقانى ءۇشىن بەلگىلەندى.
ەندى جارتىلاي فينالدا برازيليا گەرمانيا كومانداسىمەن كەزدەسەدى.
دامير قوجامقۇل.
دەرەككوز: egemen.kz.
فوتو: Sportbox.ru.