«كونسەرۆاتيۆتىك قوزعالىس» جانە «ال-ينفو» راديكالدى توپتارىنىڭ مۇشەلەرى «باتىس ىقپالىنا» قارسى شىقتى, دەپ حابارلايدى Egemen.kz.
EADaily باسىلىمى اتاپ وتكەندەي, تبيليسي ورتالىعىندا باتىس ەلدەرىنىڭ دەسترۋكتيۆتى ىقپالىنا قارسىلىق ءبىلدىرىپ, شەتەلدىك اگەنتتەر تۋرالى زاڭعا قارسى شەرۋلەرگە قاتىسۋشىلاردى سىناعان «كونسەرۆاتيۆتىك قوزعالىس» پارتياسى مەن «ال-ينفو» قوزعالىسى جاقتاستارىنىڭ شەرۋى ءوتتى.
بەلگىلى بولعانداي, نارازىلىق بىلدىرۋشىلەر گرۋزياعا قاتىستى سىرتقى ىقپالعا قارسى شىعىپ, وتباسىلىق قۇندىلىقتار مەن ەلدەگى تۇراقتىلىقتى ساقتاۋ ءۇشىن شەرۋ ۇيىمداستىرعان.
«باتىس – ءبىزدىڭ ءۇيىمىز ەمەس, تاڭداۋىمىز ەمەس. ءبىزدىڭ تاڭداۋىمىز – گرۋزيا, ءبىز - گرۋزيانىڭ وتكەنىمىز, بۇگىنىمىز جانە بولاشاعىمىز», دەدى «كونسەرۆاتيۆتىك قوزعالىس» جەتەكشىلەرىنىڭ ءبىرى شوتا مارتىنەنكو.
شەرۋشىلەر ەۋرووداقتىڭ تۋىن ج ۇلىپ, تاپتاپ, كەيىن ورتەپ جىبەرگەن.
وتكەن اپتادا پارلامەنت عيماراتىنىڭ الدىندا شەتەلدىك اگەنتتەرگە قاتىستى زاڭ جوباسىن قابىلداۋعا قارسى ميتينگ ءوتتى. كەيىن ەل پارلامەنتى زاڭ جوباسى كەرى قايتارىلعانىن حابارلادى.