پارلامەنت ماجىلىسىندە پالاتا توراعاسى قابيبوللا جاقىپوۆ پەن يوردانيا پارلامەنتى سەناتىنىڭ سپيكەرى ابدۋر-راۋف راۋابدە كەزدەسىپ, پارلامەنتارالىق ىنتىماقتاستىقتى ودان ءارى نىعايتۋ بولاشاعىن تالقىلادى, دەپ حابارلادى ءماجىلىستىڭ ءباسپاسوز قىزمەتى.
تاراپتاردىڭ, پىكىرىنشە ەكى ەل باسشىلارىنىڭ تۇراقتى كەزدەسۋلەرى قوس ەل ىقپالداستىعىنىڭ دامۋىنا سەرپىن بەرىپ, بۇگىنگى كۇنى ءوزارا دوستىق جانە بەرىك ارىپتەستىك ورناعان.
ءماجىلىس سپيكەرى تاياۋ شىعىستا تۇراقتىلىق پەن بەيبىتشىلىكتى قامتاماسىز ەتۋدە اتالعان مەملەكەت ءرولىن جوعارى باعالاي كەلىپ, يوردانيانىڭ الەۋمەتتىك-ەكونوميكالىق جانە ساياسي رەفورمالار جولىنداعى جەتىستىكتەرىنە توقتالدى.
قابيبوللا جاقىپوۆ قازاقستان پرەزيدەنتى نۇرسۇلتان نازارباەۆتىڭ حالىقارالىق باستامالارىنا, ونىڭ الەمدە بەيبىتشىلىكتى قامتاماسىز ەتۋدەگى ماڭىزدىلىعىنا ايرىقشا نازار اۋدارا كەلىپ:
– وسى رەتتە يوردانيالىق تاراپتىڭ يادرولىق قارۋدى تاراتپاۋعا قاتىستى قازاقستاندىق باستامالارعا كورسەتىپ جاتقان قولداۋىن وتە جوعارى باعالايمىز. سونداي-اق, يوردانيا كورولى ابداللا II-ءنىڭ تاياۋ شىعىستا يادروسىز ايماق قۇرۋ جولىنداعى يدەياسىن قولدايمىز, – دەدى.
ابدۋر-راۋف راۋابدە ءوز كەزەگىندە ەلباسى نۇرسۇلتان نازارباەۆتىڭ باسشىلىعىنىڭ ناتيجەسىندە قول جەتكىزىلگەن ءبىزدىڭ ەلىمىز دامۋىنا جوعارى باعا بەردى. سونداي-اق, سپيكەر ورتالىق ازيا ايماعىنداعى قازاقستاننىڭ ماڭىزدى رولىنە توقتالدى.
ودان ءارى ق. جاقىپوۆ ءوز ارىپتەسىن 2014-2015 جىلدارعا ارنالعان بۇۇ قاۋىپسىزدىك كەڭەسىنىڭ تۇراقتى ەمەس مۇشەلەرىن سايلاۋدا يوردانيا مەملەكەتىنىڭ جەڭىسكە جەتۋىمەن قۇتتىقتاپ, جاڭا تابىستار تىلەدى.
ءماجىلىس توراعاسىنىڭ اتاپ وتكەنىندەي, يوردانيا – قازاقستاننىڭ تاياۋ شىعىستاعى جاقىن وداقتاستارىنىڭ ءبىرى. سوندىقتان, ءبىزدىڭ ەلىمىز الداعى ۋاقىتتا دا ەكىجاقتى ساۋدا-ەكونوميكالىق, مادەني-گۋمانيتارلىق, سونداي-اق, پارلامەنتارالىق ءوزارا ءىس-قيمىلدى كۇشەيتۋگە نيەتتى.
– ءبىز يوردانيالىق ارىپتەستەرىمىزبەن بەيىندى كوميتەتتەر دەڭگەيىندە ىقپالداسۋعا دايىنبىز. جانە ءبىزدىڭ پارلامەنتتەرىمىز اراسىندا ىنتىماقتاستىق جونىندەگى توپ قۇرۋ دا ماڭىزدى بولىپ تابىلادى, – دەدى ق.جاقىپوۆ.