جۋىردا ەلورداداعى ۇلتتىق اكادەميالىق كىتاپحانادا جازۋشى ءامىرجان الپەيىسوۆتىڭ «جاس تۇلپارلار ءدۇبىرى» اتتى شىعارماشىلىق كەشى ءوتتى.
مادەنيەت مينيسترلىگىنىڭ ۇيىمداستىرۋىمەن وتكەن كەش «ازاتتىق اڭساعان سارىارقا» اتتى دەرەكتى فيلممەن اشىلىپ, قالامگەر شىعارماشىلىعى قامتىلعان بەينەكورىنىس ۇسىنىلدى.
شاراعا استانانىڭ زيالى قاۋىم وكىلدەرى, ل.ن.گۋميلەۆ اتىنداعى ەۇۋ-ءدىڭ وقىتۋشىلارى, اقمولا وبلىسى ىشكى ىستەر دەپارتامەنتىنىڭ تىڭداۋشىلارى, ت.ب. قاتىستى. كەش بارىسىندا مەملەكەت تاريحى ينستيتۋتى ديرەكتورى, تاريح عىلىمدارىنىڭ دوكتورى, بۇركىتباي اياعان, قر ەڭبەك سىڭىرگەن قايراتكەرى سابىر قاسىموۆ, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ كافەدرا مەڭگەرۋشىسى عادىلبەك شالاحمەتوۆ جيناققا وڭ باعا بەرىپ, اۆتور شىعارماشىلىعىنا تابىس تىلەدى.
كورسەتىلىم ارقىلى «مۇحتار اۋەزوۆ» قورىنىڭ پرەزيدەنتى مۇرات اۋەزوۆتىڭ جازۋشى ەڭبەكتەرى تۋرالى ايتقان سىرلارىنا قانىقتىق. «ءبىز تاۋەلسىزدىك تۋرالى كوپ ايتامىز. ال ەندى «ءبىزدىڭ ەلىمىزدە سول تاۋەلسىزدىككە ۇمتىلعان قانداي قوزعالىستار مەن كۇشتەر بولدى؟» دەگەن ساۋالعا وسى كىتاپ تولىعىمەن جاۋاپ بەرە الادى», – دەدى مۇرات مۇحتار ۇلى وتكەن كەزەڭدەردى كەيىنگى جاستارعا ونەگە ەتە بەرۋ كەرەكتىگىن مەگزەپ. ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى, پروفەسسور حانگەلدى ءابجانوۆ ەل ەگەمەندىگىنىڭ تاريحي بەلەستەرىنە توقتالا كەلىپ: «ازاتتىق دەگەن نارسە بار-جوعى ءبىر-ەكى ادامنىڭ قايراتكەرلىگىمەن, كۇرەسكەرلىگىمەن كەلە سالمايدى. تاۋەلسىزدىك دەگەنىمىز بۇكىل حالىقتىڭ, كوپتىڭ, ەلدىڭ ءبىرتۇتاس ەڭبەگىنىڭ ارقاسىندا نىعاياتىن بايلىق» دەگەن تۇجىرىمدى العا تارتتى.
شارا سوڭىندا جازۋشى ءامىرجان الپەيىسوۆ: «قازىر ادام ءوزىنىڭ بۇگىنى مەن ەرتەڭىن قاتار ويلانۋعا ءتيىس. بولاشاقتىڭ نەگىزى ءبۇگىنگى ءىس-ارەكەتىڭنەن قالانادى», – دەي كەلىپ, وقىرمان قاۋىمعا ءوز اتىنان زور العىس ءبىلدىردى.
ماقپال تورەبەك.
استانا.