التى ادام قازا بولدى

تاعى دا جول اپاتى اجال اكەلدى. «اقتوبە –استراحان» تاس جولىنىڭ 39 شاقىرىمىندا العا قالاسىنىڭ تۇسىندا «سەاتتولەدو» كولىگىنىڭ جۇرگىزۋشىسى باسىپ وزۋ ەرەجەسىن بۇزۋ ناتيجەسىندە «وپەل ۆەكترا» كولىگىمەن سوقتىعىسقان. سونىڭ سالدارىنان بەس ادام وقيعا ورنىندا قازا بولىپ, ءبىر جولاۋشى اۋرۋحانادا كوز جۇمدى. سونداي-اق, 4 جولاۋشى ءتۇرلى جاراقاتتارمەن العا قالاسىنىڭ اۋرۋحاناسىنا جەتكىزىلدى. وقيعا ورنىندا جەدەل-تەرگەۋ توبىنىڭ جۇمىستارى جالعاسۋدا. سوناۋ جەتپىسىنشى جىلدارى پايدالانۋعا بەرىلگەن «اقتوبە – استراحان» تاس جولى سودان بەرى كۇردەلى جوندەۋ كورمەگەن, شۇرىق تەسىك بولىپ جاتىر. سوندىقتان كۇيى كەتكەن كۇرەجولدىڭ بويىندا جول-كولىك وقيعالارى ءجيى ورىن الادى. كەيبىر دەرەك كوزدەرىنەن بەلگىلى بولعانىنداي, وسى جولدىڭ بويىندا بولعان جول-كولىك اپاتتارىنان جىلىنا ورتا ەسەپپەن 15-تەن استام ادام قازا بولادى ەكەن. بۇل قاشانعا دەيىن سوزىلا بەرمەك؟ ساتىبالدى ءساۋىرباي, «ەگەمەن قازاقستان». اقتوبە وبلىسى.