وتاندىق كاسىپورىندار قابىلەتى ارتتى

سولتۇستىك كاسپي جوباسىنىڭ وپەراتورى – «نورت كاسپيان وپەرەيتينگ كومپاني ب.ۆ.» (نكوك) نكپوك اگەنت­تىك كومپانياسىمەن بىرگە جەرگىلىكتى كاسىپورىنداردىڭ باسەكەگە قابىلەتتىلىگىن ارتتىۋ ماقساتىندا حالىقارالىق ستاندارتتار بويىنشا وقىتۋ مەن سەرتيفيكاتتاۋدى ۇيىمداستىرادى. تاياۋدا  كونسورتسيۋمنىڭ جەرگىلىكتى كومپانيالاردى دامىتۋ مىندەتتەمەلەرىنىڭ شەڭبەرىندە 14 جەرگىلىكتى كومپانياعا حالىقارالىق سەرتيفيكاتتار تابىستادى. جەرگىلىكتى قامتۋ جونىندەگى مەنەدجەر اينۇر  نەتاليەۆانىڭ پىكىرىنشە, سولتۇستىك كاسپي جوباسىنىڭ شەڭبە­رىندە كونسورتسيۋم جەرگىلىكتى قامتۋدى دا­مىتۋعا ايتارلىق ۇلەس قوسىپ كەلەدى.  بۇعان دالەل رەتىندە 2006 جىلدان بەرى جەرگىلىكتى تاۋارلارعا, جۇمىستار مەن قىزمەتتەرگە 10 ميلليارد اقش دوللارىنان استام قارجى جۇمسالعانىن ايتۋعا بولادى. «ءبىز جەرگىلىكتى كومپانيالاردىڭ قىزمەتتەرى مەن جۇمىستارى حالىقارالىق ستاندارت تالاپتارىنا سايكەس كەلۋىن قامتاماسىز ەتۋ ءۇشىن ولارعا ىقپالدى كومەك كورسەتەمىز. سونىمەن بىرگە,  يSو ستاندارتتارى بەرەتىن قوسىمشا مۇمكىندىكتەرمەن تانىستىرامىز. ولار وپەراتور مەن اگەنت كومپانيالاردىڭ سولتۇستىك كاسپي جوباسى بويىنشا كەلىسىمشارت بەرۋ تەندەرلەرىنە قاتىسىپ قانا قويماي, ەلىمىزدە دە, شەتەلدەردە دە ءوز تيىمدىلىگى مەن باسەكەگە قابىلەتتىلىگىن ارتتىرا الادى.  2006-2013 جىلدار ارالىعىندا كونسورتسيۋم 77 جەرگىلىكتى كومپانياعا حالىقارالىق ستاندارتتار بويىنشا وقۋ مەن سەرتيفيكاتتاۋدى ۇيىمداستىرىپ, ولاردى وتكىزۋگە قارجىلاي كومەك بەردى. ەندى, مىنە, تاعى دا بىرنەشە كومپانيا سولاردىڭ قاتارىنا قوسىلاتىنى وتە قۋانىشتى جايت», دەيدى ا.نەتاليەۆا. نكوك كومپانياسى جەرگىلىكتى كوم­پا­نيالاردىڭ مۇمكىندىكتەرىن ارتتى­رۋعا مۇددەلى ەكەندىگىن «سولتۇستىك كاسپي جوباسىنىڭ قولداۋىمەن كومپانيا مۇلدەم جاڭا دەڭگەيگە جەتىپ, سەرىكتەستەرىمىزدىڭ سەنىمىن ارتتىردىق» دەگەن «جىگەرمۇنايسەرۆيس» قازاقستاندىق كومپانياسىنىڭ باسشىلىعى دا قۋاتتاي­دى. يSو-9001, يSو-14001, يSو-22000 جانە وHSاS-18001 سەرتيفيكاتتارى  كازنيپيتەس «ەنەرگيا» اق, «ۋرال­ەنەرگوستروي», «جىگەرمۇنايسەرۆيس», «ارحات», «CTCS Logistics», «فيرما «فيال», «تەسلا-تان», «Adem Ecology», «Nasar Solutions» جشس, «گرين-اتىراۋ», «ازياپروم», «نياز-موحاممەد»,  «جايىق-يۋنيۆەرسال» سەرىكتەستىكتەرى مەن «ىسكەر» كونسورتسيۋمىنا بەرىلدى. جولداسبەك شوپەعۇل, «ەگەمەن قازاقستان». اتىراۋ وبلىسى.