بارشاعا ورتاق قۇندىلىق

كەشە اقوردادا مەملەكەتتىك حاتشى ادىلبەك جاقسى­بە­كوۆتىڭ قاتىسۋىمەن «قازاقستان-2050» ستراتەگياسى اياسىن­داعى مەملەكەتتىك ورگانداردىڭ جانە قحا عىلىمي-ساراپ­شىلىق كەڭەسى عىلىمي-ساراپشىلىق جۇمىسىنىڭ جاڭا ءمىن­دەت­تەرى تۋرالى قازاقستان حالقى اسسامبلەياسى عىلىمي-ساراپ­شىلىق كەڭەسىنىڭ كەڭەيتىلگەن وتىرىسى ءوتتى. كەڭەس جۇمى­سىنا پرەزيدەنت اكىمشىلىگىنىڭ باسشىلىعى, قازاقستان پارلا­مەنتىنىڭ دەپۋتاتتارى, مينيسترلىكتەر مەن ۆەدومستۆولار وكىل­دەرى, وڭىرلىك عىلىمي-ساراپشىلىق توپتاردىڭ باسشىلارى, عىلىم جانە شىعارماشىلىق ينتەلليگەنتسيا وكىلدەرى قاتىستى. جيىندا ءسوز العان مەملەكەت­تىك حاتشى «قازاقستان-2050» سترا­تە­گياسى, قحا-نىڭ 2020 جىلعا دەيىنگى دامۋ تۇجىرىمداماسى جانە پرەزيدەنت ن.نازارباەۆتىڭ قحا-نىڭ XXI سەسسياسىندا بەرگەن تاپسىرمالارى اياسىنداعى مەم­لەكەتتىك ەتنوساياساتتى عىلى­مي-ساراپشىلىق سۇيەمەلدەۋ جۇ­مىسىنىڭ نەگىزگى مىندەتتەرى مەن باعىتتارىن ايقىندادى. بۇل كەڭەستىڭ ەلدەگى بىرلىكتى ساقتاۋعا ۇلەس قوسىپ كەلە جاتقانىنا توقتالدى. «ءححى عاسىر – عىلىم­نىڭ عاسىرى. بۇگىنگى زاماندا بار­لىق جۇمىسقا عىلىمي نە­گىز كەرەك. ەل دامۋىنا قاجەتتى ءار­بىر جوباعا ساراپتاما جاسالۋى ءتيىس. سونىڭ ىشىندە, ەتنوسارالىق قاتى­ناستى عىلىمي زەرتتەۋ – ماڭىزدى ماسەلە. سوڭعى جىلدارى الەمدە بولىپ جاتقان وزگەرىستەردى بىلەسىزدەر. دەمەك, ءاربىر مەملەكەت ءۇشىن تۇراقتىلىق قاجەت. ال تاتۋلىق بار جەردە ەل داميدى, ەكونوميكا وسەدى. سوندىقتان, ەلباسى بۇل ماسەلەگە ەرەكشە نازار اۋدارىپ كەلەدى. بۇل باعىتتا پرەزيدەنت وتاندىق عالىمداردىڭ الدىنا ۇلكەن مىندەت جۇكتەپ وتىر. بۇل مىندەتتەر «قازاقستان-2050» ستراتەگياسىندا ناق­تى كورسەتىلگەن. ءبىز بۇگىنگى وتىرىس­تا پرەزيدەنت جۇكتەگەن مىندەتتەردى جاڭا ساپادا ورىنداۋدىڭ جولدارىن ايقىندايمىز. عىلىمي زەرتتەۋلەردىڭ جوسپارىن بەكىتەمىز», دەدى ءا. جاقسىبەكوۆ ءوز سوزىندە. وسىلاي دەي كەلە, ول بۇل وتى­رىس­تىڭ قازاقستان حالقى اسسامبلەيا­سىنىڭ XXI سەسسياسىنان كەيىن وتكىزىلىپ وتىرعانىن, ال ول سەسسيانىڭ ءوزى اسسامبلەيانىڭ تاريحىنداعى ماڭىزى ايرىقشا ەكەنىن اتاپ ءوتتى. «سەبەبى, بۇل سەسسيادا مەملەكەت باس­شىسى اسسامبلەيا ينستيتۋتىن جانە مەملەكەتتىك ەتنوساياساتتىڭ بارلىق جۇيەسىن نىعايتۋعا تاپسىرما بەردى. بىرىنشىدەن, ەلباسىنىڭ جارلى­عىمەن قازاقستان پرەزيدەنتى اكىم­شىلىگى جانىنان اسسامبلەيانىڭ قىز­مەتىن قامتاماسىز ەتەتىن «قوعامدىق كەلىسىم» مەكەمەسى قۇرىلدى. بۇل – اسسامبلەيانىڭ ءوزىنىڭ ساياساتىن ءجۇ­زەگە اسىرۋ تەتىگىنە قول جەتكىزگەنىن, وسى ماقساتقا مەملەكەتتىك رەسۋرس­تاردىڭ باعىتتالعانىن, ال بۇل ءوز كە­زەگىندە ينستيتۋت قىزمەتى ءتيىم­دى­لىگىنىڭ ارتقانىن كورسەتەدى. وسى­عان ۇقساس قۇرىلىمدار ەلىمىزدىڭ وزگە دە وڭىرلەرىندە قۇرىلدى. بۇل اس­سام­بلەيانىڭ بارلىق جۇيەسىنىڭ قىزمەتىن جانداندىرۋعا سەرپىن بەرەتىن بولادى», دەدى مەملەكەتتىك حاتشى. ءا.جاقسىبەكوۆ 2015 جىل – قا­زاقستان حالقى اسسامبلەياسىنىڭ جىلى بولىپ بەلگىلەنگەنىن, وسىعان وراي, اسسامبلەيا جىلىن جانە كونستيتۋتسيانىڭ 20 جىلدىعىن اتاپ ءوتۋ ءۇشىن ءىس-شارالاردىڭ ۇلتتىق جوس­پارى ازىرلەنىپ جاتقانىن تىلگە تيەك ەتتى. «بۇل ءىس-شارالاردىڭ بارلىعى قازاقستان حالقى اسسامبلەياسىنىڭ XXI عاسىرداعى جاڭا ميسسياسىن ايقىنداپ كورسەتۋى ءتيىس. سونداي-اق, بۇل قوعامدىق ينستيتۋت قىزمەتىنىڭ جاڭا باعىتتارى دا بەلگىلەنىپ وتىر. ولارعا الداعى ۋاقىتتا ايرىقشا ءمان بەرىلەتىن بولادى. ماسەلەن, لوندوندا بريتاندىق كاسىپكەرلەردىڭ باستاماسىمەن «نۇرسۇلتان نازار­باەۆتىڭ بەيبىتشىلىك جانە كەلى­سىم ورتالىعى» قۇرىلادى. ول قازاق­ستاننىڭ ەتنوسارالىق ساياساتىن ناسيحاتتايتىن جوعارى دەڭگەي­دەگى حالىقارالىق ۇنقاتىسۋ الاڭى بولماق. جالپى العاندا, بۇل اتقارى­لا­تىن شارالاردىڭ باسى عانا. قازىرگى گەوساياسي قاۋىپ-قاتەرلەردىڭ ورىستەۋى جاعدايىندا مەملەكەتتىك ساياساتتى قايتا قۇرۋدا عىلىمنىڭ ماڭىزى زور. سوندىقتان, ءبىزدىڭ باستى مىندەتىمىز – عى­لىمي ساراپشىلار جۇرگىزەتىن زەرت­تەۋلەردىڭ ساپاسىن, وزەكتىلىگىن قام­تا­ما­سىز ەتۋ», دەدى مەملەكەتتىك حاتشى. وتىرىس بارىسىندا قحا قىزمە­تىن عىلىمي-ساراپشىلىق تۇرعى­دان قولداۋ, ەل بىرلىگى مەن قوعام­دىق كەلىسىم سالاسىندا جانە قازاقستانداعى ەتنوسارا­لىق احۋالدىڭ قازىرگى جاع­دايى­نا عىلىمي زەرتتەۋلەر جۇرگىزۋ, ەتنوسارالىق قاتىناستار سالاسىن­داعى عىلىمي ساياساتتى ازىرلەۋ ءۇشىن ۋنيۆەرسيتەتارالىق ىنتىماقتاس­تىقتى قامتاماسىز ەتۋ جونىندەگى مەملەكەت باسشىسى تاپسىرمالارىن ىسكە اسىرۋ ماسەلەلەرى تالقىلاندى. قحا عىلىمي-ساراپشىلىق كەڭە­سىنىڭ جۇمىسى تۋرالى ەسەبى جانە باسقا دا ۇيىمداستىرۋشىلىق ماسەلەلەر قارالدى. سونىمەن قاتار, عىلىمي-ساراپشىلىق كەڭەستىڭ جۇمىسى بويىنشا حاتتامالىق تاپسىرمالار بەرىلدى. جيىن سوڭىندا اسسامبلەيانىڭ جانە عىلىمي-ساراپشىلىق كەڭەستىڭ مۇشەلەرى تاۋەلسىزدىكتى, ەل بىرلىگىن نىعايتۋعا, مادەنيەتارالىق ۇنقا­تىسۋدى دامىتۋعا جانە قازاقستاندىق ءپاتريوتيزمدى تاربيەلەۋگە قوسقان ەلەۋلى ۇلەسى ءۇشىن مارا­پاتتارعا يە بولدى. ءلايلا ەدىلقىزى, «ەگەمەن قازاقستان». سۋرەتتى تۇسىرگەن ەرلان وماروۆ.