اۆتونومدى كوزىلدىرىك

كايردە وتكەن «Ai forum» جاستار فورۋمىندا بىرەگەي جوبا تانىستىرىلدى. الەمنىڭ 26 ەلىنەن كەلگەن ونداعان كوماندا ونەركاسىپتىك رەۆوليۋتسيا, جاساندى ينتەللەكت, بلوكچەين, ونەر جانە ەكولوگيا سالاسىنداعى جوبالارىمەن ءبولىستى.

فورۋم 4 كۇنگە سوزىلدى. ءارتۇرلى تاقىرىپ بويىنشا دارىستەر مەن سەمينارلار ءوتىپ, وقۋشىلار ءوزارا پىكىر الماستى.

«مەن جاساندى ينتەللەكت سەكتسياسىندا جوبامدى ۇسىندىم. ءبىزدىڭ جوبا قازى­لار القاسى مەن كورەرمەندەردىڭ جاقسى باعاسىن الدى. وسى ونەرتابىسپەن بىلتىردان بەرى اينالىسىپ كەلە­مىز. سونداي-اق وسى فورۋمدا ءبىز ءۇشىن تانىمدىق ەكسكۋرسيا ۇيىمداستىرىلدى. بۇل شىعار­ماشىلىق باس­تامانى دامىتۋعا كومەكتەسەتىنى ءسوزسىز», دەيدى جوبا اۆتورلارىنىڭ ءبىرى, 12-سىنىپ وقۋشىسى ۆيكتور كاحنو.

ۆيكتور كاحنو, ماكسيم سۋرين, ميرحايات دەني نوۋ-حاۋى ەكىنشى جىل قاتارىنان Enactus World Cup ستۋدەنتتىك كاسىپكەرلىكتىڭ ءفيناليسى اتاندى. وتكەن جىلى بالالارعا NARXOZ ۋنيۆەرسيتەتىنىڭ مەملەكەتتىك گرانتىنىڭ سەرتيفيكاتتارى تابىس ەتىلگەن ەدى.

ايتا كەتەيىك, ناشار كورە­تىن جانە زاعيپ جاندارعا ارنال­عان كوزىلدىرىك كامەرانىڭ كومە­گىمەن, ارنايى سەنسورمەن جۇمىس ىستەيدى. بۇل كامەرانىڭ ىسكە قوسىلۋى ءۇشىن وقۋشىلار ارنايى باعدارلاما كودىن جازعان. وسىلايشا, ينفراقىزىل تولقىن­داردىڭ كومەگىمەن تەحنولوگيا وبەكتىلەرگە, كولىكتىڭ كەز كەلگەن تۇرىنە, باعدارشامدارعا, جول بەلگىلەرىنە, ۆەلوسيپەدشىلەر مەن ادامدارعا دەيىنگى قاشىقتىقتى انىقتاي الادى.

جاس ونەرتاپقىشتار اۆتونومدى كوزىلدىرىكتەردىڭ كومەگىمەن قالا بويىنشا ءوز بەتىنشە قاۋىپسىز قوزعالۋعا بولاتىنىن ايتادى. بۇل ءادىس زاعيپ جانداردىڭ كۇندەلىكتى ءومىرىن ايتارلىقتاي جەڭىلدەتەدى دەگەن قورىتىندىعا كەلىپ وتىر.

جەتىسۋ وبلىسى