«ازاماتتارعا ارنالعان ۇكىمەت» مەملەكەتتىك كورپوراتسياسى» كەاق قىزىلوردا وبلىسى بويىنشا فيليالى حالىققا قىزمەت كورسەتۋ ورتالىعىنىڭ №1 ءبولىم ماماندارى عاسىر جاساعان كۇلحاتشا بايبولاتوۆانىڭ تولقۇجاتىن جاڭالاپ بەردى. ماماندار تىل ارداگەرىنىڭ ۇيىنە بارىپ قىزمەت كورسەتىپ, سۋرەتكە ءتۇسىرىپ, قۇجاتىن راسىمدەگەن. كەيىن قۇجاتى دايىن بولعاندا ارنايى بارىپ تابىستادى.
عاسىرلىق عۇمىر يەسى 1922 جىلدىڭ 1 مامىرىندا دۇنيەگە كەلىپتى. ماماندار تولقۇجاتىن تابىستاۋعا بارعاندا الدىنا الىپ وتىرعان ابدىمالىك ەسىمدى شوپشەگى مەن كۇلحاتشا اجە ەكەۋىنىڭ اراسىندا تۇپ-تۋرا 100 جىل جاتىر.اجە وزىنە قالتقىسىز قىزمەت كورسەتكەن حقو ماماندارىنىڭ قۇرمەتىنە العىسىن ءبىلدىرىپ, اق باتاسىن بەردى. جىل باسىنان بەرى فيليال ماماندارى تۇرعىنداردىڭ ۇيىنە بارىپ 1 882 قىزمەت كورسەتكەن. اسىرەسە ەلەكتروندى تسيفرلىق قولتاڭبا الۋ, تولقۇجات اۋىستىرۋ جانە مۇگەدەكتەردى تەحنيكالىق-كومەكشى قۇرالدارمەن قامتاماسىز ەتۋگە كەرەكتى قۇجاتتاردى راسىمدەۋ قىزمەتتەرىنە تاپسىرىس كوپ ءتۇسىپ وتىر.
مۇمكىندىگى شەكتەۋلى جاندار, ۇوس ارداگەرلەرى مەن ولارعا تەڭەستىرىلگەندەر جانە دەنساۋلىعىنا بايلانىستى ءجۇرىپ-تۇرۋى شەكتەلگەن 65 جاستان اسقاندار 1414 بىرىڭعاي بايلانىس ورتالىعىنا حابارلاسىپ, قىزمەتتىڭ وسى تۇرىنە تاپسىرىس بەرە الادى.