جەتىسايدا مەديتسينا قىزمەتكەرىنەن ەكى ملن تەڭگە اقشا بوپسالاعان كۇدىكتى ۇستالدى, دەپ حابارلايدى Egemen.kz.
جەتىساي اۋداندىق پوليتسيا بولىمىنە مەديتسينالىق مەكەمەلەردىڭ بىرىندە جۇمىس ىستەيتىن جەرگىلىكتى تۇرعىن ارىزبەن جۇگىنگەن. ونىڭ ايتۋىنشا, بەلگىسىز ەر ادام ونى قورقىتىپ, ەكى ملن تەڭگە بوپسالاعان.
اتالعان جايتتى پوليتسەيلەر قر قك-ءنىڭ 194-بابى 1-بولىگى بويىنشا جەتىساي اپب-عا تىركەدى.«قىلمىستى اشۋ ماقساتىندا تۇركىستان وبلىسى پوليتسيا دەپارتامەنتىندە ۇيىمداسقان قىلمىسقا قارسى كۇرەس باسقارماسىنىڭ جانە جەتىساي اپب كريمينالدىق پوليتسيانىڭ تاجىريبەلى قىزمەتكەرلەرى قاتارىنان جەدەل-تەرگەۋ توبى قۇرىلدى. جەدەل-ىزدەستىرۋ ءىس-شارالارىن جۇرگىزۋ ناتيجەسىندە پوليتسەيلەر كۇدىكتىنى 1,5 ميلليون تەڭگەگە جۋىق اقشانى العان كەزدە انىقتاپ, ۇستادى. ول جەتىساي اۋدانىنىڭ تۇرعىنى بولىپ شىقتى. زاتتاي دالەل رەتىندە جەدەل ۋاكىلدەر ەر ادامنان اقشا تاركىلەدى», دەلىنگەن پوليتسيا حابارلاماسىندا.
كۇدىكتىنىڭ مەديتسينا قىزمەتكەرىن نە سەبەپتى بوپسالاعانى بەلگىلى بولدى. ول مەديتسينالىق قىزمەتكە كوڭىلى تولماي, باسشىلىققا ارىز جازىپ, ونى جۇمىستان شىعارتاتىنىن ايتىپ قورقىتقان,ء ىرى كولىمدەگى اقشامەن بوپسالاعان.
قازىر بوپسالاۋ جايتى بويىنشا سوتقا دەيىنگى تەرگەۋ امالدارى ءجۇرىپ جاتىر. كۇدىكتى قاماۋعا الىندى. وقيعانىڭ بارلىق ءمان-جايى انىقتالادى.