بۇگىن ورتالىق كوممۋنيكاتسيالار قىزمەتىندە وتكەن بريفينگتە دەنساۋلىق ساقتاۋ ۆيتسە-ءمينيسترى – باس مەملەكەتتىك سانيتاريالىق دارىگەر ايجان ەسماعامبەتوۆا ەلدەگى ەپيدەميالىق جاعداي تۋرالى ايتتى, دەپ حابارلايدى Egemen.kz.
باس سانيتاريالىق دارىگەردىڭ ايتۋىنشا قازىر ەلىمىزدە كوروناۆيرۋس ينفەكتسياسى بويىنشا ەپيدەميولوگيالىق جاعداي تۇراقتى. بارلىق وڭىرلەر «جاسىل» ايماقتا. تاۋلىگىنە كوروناۆيرۋستىڭ 70-كە دەيىن جاعدايى تىركەلەدى. ناۋقاستاردىڭ 99 پايىزى ەمدەلگەن.
«قازىرگى ۋاقىتتا ءجىتى رەسپەراتورلىق ۆيرۋستىق ينفەكتسيا مەن تۇماۋدىڭ ەپيدەميالىق ماۋسىمى باستالدى. ولاردىڭ تارالۋ جولى كوروناۆيرۋس ينفەكتسياسىمەن بىردەي, ياعني اۋا-تامشى جولىمەن بەرىلەدى. اعىمداعى ەپيدەميولوگيالىق ماۋسىمنىڭ باسىنان بەرى رەسپۋبليكامىزدا تۇماۋدىڭ 1 014 زەرتحانالىق راستالعان جاعدايى تىركەلدى. رەسپۋبليكادا تۇماۋدىڭ ا جانە ب ۆيرۋسىنىڭ اينالىمدا جۇرگەنى انىقتالدى. بۇدان باسقا بۇگىنگى كۇنى 1 ميلليوننان استام جرۆي تىركەلدى. سىرقاتتانۋشىلىق وتكەن جىلدىڭ وسى كەزەڭىمەن سالىستىرعاندا بىردەي دەڭگەيدە بولىپ وتىر. اۋىرعانداردىڭ 60 پايىزى – 14 جاسقا دەيىنگى بالالار», دەدى ا.ەسماعامبەوۆا.