جاس پەداگوگتەردىڭ تاجىريبە الاڭى

جاستارعا ومىرلىك تاجى­ري­بە­­لەرىمەن ءبولىسۋ ءۇشىن جەتى­سۋ وبلىسى ءبىلىم باسقار­ما­سىنىڭ باسشىسى ايجان ادام­بەكوۆا, «Future-IT» روبوت­­تەح­نيكا مەكتەبىنىڭ جەتەك­شىسى دامير نۇركەجانوۆ, «Zhetysu University» يميدج ورتالىعىنىڭ ديرەكتورى دامير ديگاي شاقىرىلدى.

«جاس ۇستاز: تابىسقا اپارار جول» ايماقتىق فورۋمى – وتە ماڭىزدى ءىس-شارا. وبلىس بو­يىنشا بىزدە 1 800-دەن اسا جاس ۇستاز بار. سونىڭ ىشىندە بيىلعى وقۋ جىلىندا 600 جاس ۇستاز كەلدى. فورۋم قاتىسۋشىلارى ءبىر-بىرىمەن ارالاسىپ, تاجىريبە الماسىپ, جاڭا يدەيا الىپ جانە تابىسقا قالاي جەتۋگە بولادى دەگەن سۇراقتارىنا جاۋاپ الا الادى دەگەن سەنىمدەمىن», دەدى ا.ادامبەكوۆا.

فورۋمعا قاتىسۋشىلار تا­قىرىپتىق الاڭداردا باس قوسىپ, «ساباق قۇراستىرۋ: جي­ناقتايمىز جانە قولدانا­مىز», «فۋنكتسيونالدى ساۋات­سىزدىق: تاپشىلىقتى قا­لاي تولتىرۋعا بولادى؟», «ينك­ليۋزيۆتى ءبىلىم: جاناما تا­جى­ريبەدەن ءوز ءىس-ارەكەتىنە دەيىن», «وقىتۋدا اكت-نى ءتيىمدى پايدالانۋ» سىندى وزەك­تى ماسەلەلەردى قوزعاعان جيى­ن­­داردا باس قوستى. سونىمەن قا­­تار «ەموتسيالىق مادەنيەت» ترەنينگى, جاس ۇستازداردىڭ شەبەرلىك ساباقتارى, ACTIVE SPOT ۇيىمداستىرىلدى.

«قازىرگى كەزدە كاسىبي دەڭ­گەيى جوعارى ماماندار دايار­لاپ شىعارۋ قانداي وزەكتى ماسەلە بولسا, جاس ماماندارعا قولداۋ كورسەتۋ – ءدال سونداي كوكەيكەستى ماسەلە. بۇل ماقساتقا جەتۋدىڭ ءتيىمدى تەتىكتەرىنىڭ ءبىرى الدىڭعى تولقىن اعالاردىڭ كەيىنگى تولقىندى تاربيەلەۋ ءىسى ەكەنىندە داۋ جوق», دەدى تال­دىقورعان قالاسىنداعى پەداگوگيكالىق شەبەرلىك ورتا­لى­عى فيليالىنىڭ اعا مەنەد­جەرى گاۋحار قازىعۇلوۆا.

فورۋم جاس ۇستازداردىڭ مەك­تەپ­تە وقىتۋدىڭ قازىرگى زامانعى ۇردىستەرىن تالقىلاۋ, زياتكەرلىك داعدىلاردى دامىتۋ جانە تسيفرلىق مۇمكىندىكتەردى تانىمال ەتۋ ءۇشىن بىرىڭعاي الاڭعا اينالىپ ۇلگەردى. ويت­كەنى فورۋم مۇعالىمدەردىڭ كاسىبي تۇرعىدا تابىستى بولۋى­نا باعدار جاساپ, ولاردى ۇنەمى وقۋعا جانە دامۋعا ىنتالاندىرادى.

«فورۋم وتە جاقسى ءوتتى. پسيحولوگيالىق, ەموتسيونالدىق تۇرعىدا وقۋشىلارمەن جۇمىس, وزىمىزگە كەرەكتى ونلاين پلاتفورمالاردى, وقۋشىلاردىڭ عىلىمي-شىعارماشىلىق, زەرت­­تەۋشىلىك ىزدەنىسىن قالىپتاستىرۋ جولدارىن بىلدىك. پەداگوگيكالىق شەبەرحانالارعا قاتىسىپ, تاجى­ريبەلەر پانوراماسىنىڭ ءتۇرلى تاقىرىپتاعى مازمۇنىمەن تانىستىم», دەدى كوكسۋ اۋدانىنداعى بيعايشا قۇنتاقباەۆا اتىنداعى ورتا مەكتەپتىڭ فيزيكا ءپانى مۇعالىمى اسلان رافيكوۆ.

ەلىمىزدىڭ بارلىق نازارباەۆ زياتكەرلىك مەكتەپتەرىنىڭ بازاسىندا جالپى ءبىلىم بەرەتىن مەكتەپتەردەن 3 مىڭنان اسا جاس مامان قاتىستى.

جەتىسۋ وبلىسى