كەشە باس ءمۇفتي ەرجان قاجى مالعاجى ۇلىنىڭ توراعالىعىمەن ءوتىپ جاتقان تورالقادا قاسيەتتى رامازان ايىنىڭ ءبىرىنشى كۇنى 28 ماۋسىمعا بەلگىلەنىپ, وعان دايىندىق جۇمىستارى پىسىقتالدى. باس ءمۇفتي ساۋابى ەسەلەنىپ بەرىلەتىن قاسيەتتى ايدا قايىرىمدىلىق اكتسيالارىن كوبىرەك ۇيىمداستىرۋدى وكىل يمامداردىڭ قاپەرىنە سالدى.
ەلىمىزدەگى مەشىتتەر مەن مەدرەسەلەردە رامازان ايى جوعارى دەڭگەيدە وتكىزىلمەك. قوعامدىق كولىكتەرگە, قوعامدىق ورىندارعا, ساۋدا ۇيلەرىنە باننەر مەن بيلبوردتار ىلىنبەك. سونىمەن قاتار, قاسيەتتى قادىر ءتۇنى كەشىندە ارنايى عيبراتتى شارالار ۇيىمداستىرۋ جوسپارلاندى. قالالىق اۆتوبۋستاردا قاسيەتتى ايدىڭ قۇرمەتىنە تەگىن ءجۇرۋ اكتسيالارىن جۇزەگە اسىرۋ كوزدەلۋدە.
«ىنتىماعى ىدىراپ, بىرلىگىنەن بەرەكە كەتكەن ەلدىڭ بولاشاعى دا ب ۇلىڭعىر بولماق. قانشاما جۇرتتىڭ جەر بەتىنەن جوعالىپ, تەگى مەن تۇتاستىعىنان ايىرىلۋىنىڭ نەگىزگى سەبەبى – باۋىرمالدىقتىڭ بولماۋى. قۇدايعا شۇكىر, ەلىمىزدەگى ۇلتتار مەن ۇلىستاردىڭ ءبىر شاڭىراق استىندا تاتۋ ءومىر ءسۇرۋى – اللانىڭ بەرگەن سىيى مەن نىعمەتى. سوندىقتان ءبىز وسىناۋ يگىلىكتەردى ۋاعىزدارىمىزدا كوبىرەك ايتۋىمىز كەرەك. رامازان – مۇسىلمانداردىڭ اۋىزبىرشىلىگىن ارتتىراتىن, ءوزارا باۋىرماشىلدىعىن نىعايتاتىن قاسيەتتى اي. مۇباراك ايدى جوعارى دەڭگەيدە وتكىزۋگە ءبارىمىز اتسالىسۋىمىز قاجەت», – دەدى ەرجان قاجى مالعاجى ۇلى, دەپ حابارلادى www.muftyat.kz.