استانا. 24 مامىر. بۇگىن بەلارۋس استاناسى – مينسك قالاسىندا ءوتىپ جاتقان الەم چەمپيوناتىنىڭ جارتىلاي فينالدىق ويىندارى وينالىپ, فينالعا شىققان ەكى كوماندا انىقتالدى. بۇل تۋرالى چەمپيونات.رۋ حابارلادى.
كۇندىز وينالعان ماتچتا رەسەي شۆەتسيا قۇراماسىن 3:1 ەتىپ ۇتتى. ويىندا شۆەد ويىنشىلارى ءبىرىنشى بولىپ ەسەپ اشتى. رەسەيلىكتەر قاقپاسىنا ولار ءبىرىنشى كەزەڭنىڭ 19-سەكۋندىندا شايبا ءتۇسىردى. ونى وسكار ميوللەر ءوز ەسەبىنە جازدى. الايدا, كەزەڭ سوڭىنا دەيىن ورىستار ەسەپتى تەڭەستىرىپ قانا قويماي, العا شىعىپ كەتتى. اۋەلى سەرگەي پلوتنيكوۆ شۆەدتەر قاقپاشىسىنىڭ قاتەلىگىن پايدالانا بىلسە, كەيىن سەرگەي شيروكوۆ قورعاۋشىنىڭ تاساسىندا تۇرىپ ۇردى. ەكىنشى كەزەڭدە انتون بەلوۆ ەسەپتى ەسەلەدى.
سوسىن فينليانديا قۇراماسى چەحيا كومانداسىن 3:0 ەتىپ ۇتتى. سۋومي ويىنشىلارى ءار كەزەڭدە ءبىر شايبادان سالدى. ولار 9-مينۋتتا ەسەپ اشتى (يوري لەحتەر). ەكىنشى كەزەڭنىڭ ورتاسىندا ولار ەسەپتى ۇلعايتتى (يارككو يممونەن). ال ءۇشىنشى كەزەڭدە لەحتەر دۋبل جاسادى.
دامير قوجامقۇل.
دەرەككوز: چەمپيونات.رۋ.
فوتو: چەمپيون.رۋ.