استانا. 22 مامىر. شانحايدا وتكەن ازياداعى ءوزارا ءىس-قيمىل جانە سەنىم شارالارى كەڭەسىنىڭ 4-ءسامميتىنىڭ قورىتىندى قۇجاتى – شانحاي دەكلاراتسياسى بەكىتىلدى.
بۇل تۋرالى egemen.kz ءتىلشىسى حابارلادى.
اتالعان دەكلاراتسيانىڭ قابىلدانعانى ءساميتتى قورىتىندىلاۋ باعىتىندا وتكىزىلگەن ءباسپاسوز ءماسليحاتىندا بەلگىلى بولدى. وعان مەملەكەت باسشىسى نۇرسۇلتان نازارباەۆ, قىتاي حالىق رەسپۋبليكاسىنىڭ توراعاسى سي تسزينپين مەن تۇركيا سىرتقى ىستەر ءمينيسترى احمەت داۋىتوگلىنىڭ قاتىستى.
ءباسپاسوز ءماسليحاتىندا نۇرسۇلتان نازارباەۆ: «4-ءسامميتتىڭ باستى وقيعاسى ازياداعى ءوزارا ءىس-قيمىل جانە سەنىم شارالارى كەڭەسىنىڭ شانحاي دەكلاراتسياسى قابىلدانعانى بولدى. بۇل قۇجات فورۋمدى ودان ءارى دامىتۋعا جانە قاتىسۋشى ەلدەردىڭ ءتيىمدى ءوزارا ءىس-قيمىلىنا باعىتتالىپ وتىر», – دەدى.
جيىندا نۇرسۇلتان نازارباەۆ شانحاي ءسامميتىن قازاقستان-قىتاي قاتىناستارىنىڭ شەجىرەسىندەگى ەلەۋلى وقيعا دەپ مالىمدەدى.
ەندى, ازياداعى ءوزارا ءىس-قيمىل جانە سەنىم شارالارى كەڭەسىنە قىتاي توراعالىق ەتەتىن بولدى. وسىعان بايلانىستى پرەزيدەنت: «قازاقستان قىتاي ەلىنىڭ بۇل كەڭەسكە توراعالىق ەتۋىنەن ۇلكەن ءۇمىت كۇتەدى. توراعا سي ءتسزينپيننىڭ ازيالىق قاۋىپسىزدىك تۋرالى جاڭا تۇجىرىمداماسى, جىبەك جولى ەكونوميكالىق بەلدەۋى – وتە ماڭىزدى باستامالار. ول ءار ەلدىڭ يگىلىگى ءۇشىن جۇمىس ىستەيتىن بولادى. قىتايدىڭ ءبىزدىڭ جەتىستىكتەرىمىزدى ودان ءارى جەتىلدىرۋگە تولىق الەۋەتى جەتەتىنى ءسوزسىز», – دەدى.
جولدىباي بازار.
دەرەككوز: egemen.kz.
فوتو: «24kz».