وتكەن اپتادا بانگكوكتا گرەك-ريم كۇرەسىنەن كادەتتەر اراسىنداعى ازيا چەمپيوناتى اياقتالدى. وسىناۋ قۇرلىقتىق سايىستا قازاقستان قۇراماسىنىڭ پالۋاندارى ەكى التىن, ەكى كۇمىس جانە ءتورت قولا مەدالدى ۇتىپ الدى. قوس التىن مەدالدىڭ ءبىرىن ەنشىلەگەن اتىراۋلىق پالۋان ەۆگەني پوليۆادوۆ 69 كيلودا ءتورت قارسىلاسىنان دا باسىم ءتۇسىپ, ازيا چەمپيونى اتاندى.
ءسويتىپ, بولاشاعىنان ءۇمىت كۇتتىرگەن جاس پالۋان ە.پوليۆادوۆ قىتايدا وتەتىن كادەتتەردىڭ وليمپيا ويىندارىنا بەرىلەتىن جولدامانى ۇتىپ الدى. كادەتتەردىڭ وليمپيا ويىندارى تامىز ايىندا وتەدى.
ەسكە سالا كەتەيىك, اتىراۋلىق بالۋان بۇعان دەيىن قازاقستان چەمپيوناتىندا جەڭىستىڭ بيىك تۇعىرىنا كوتەرىلگەن ەدى. سونىمەن قاتار, وليمپيادا ويىندارىنىڭ جۇلدەگەرى, داڭقتى پالۋان داۋلەت تۇرلىحانوۆ اتىنداعى حالىقارالىق تۋرنيردە دە جەڭىمپاز اتانىپ ۇلگەردى. ايتقانداي, ەۆگەني پوليۆادوۆتى ءوزىنىڭ اكەسى, ازيا چەمپيوناتىنىڭ جۇلدەگەرى مەيرامبەك تۇرداليەۆ, قازاقستان چەمپيوندارى نۇرلان مۇقانوۆ, تالعات قازيەۆ جانە فارحاد عيمرانوۆتاي شەبەرلەردى شىڭداعان بەلگىلى باپكەر الەكساندر پوليۆادوۆ جاتتىقتىرادى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.