شىعىس قازاقستان وبلىسىنىڭ تۇرعىنى ءوز اۋلاسىندا جەتى كەلىدەن استام قاراسورا وسىرگەن, دەپ حابارلايدى Egemen.kz شىعىس قازاقستان وبلىسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ريددەر قالاسىنىڭ قىلمىستىق پوليتسيا قىزمەتكەرلەرى 35 جاستاعى جەرگىلىكتى تۇرعىندى ۇستادى.
ۇستالعان ادامنىڭ تۇرعىلىقتى جەرىن ءتىنتۋ بارىسىندا ءۇيدىڭ اۋلاسىنان وسىمدىكتىڭ 67 بۇتاسى تابىلدى. بۇل سالماعى 7 مىڭ 350 گراممدى قۇرايتىن قاراسورا بولىپ شىقتى.
35 جاستاعى ءۇي يەسى تۇسىندىرگەندەي, ول ەسىرتكى زاتتارىن جەكە پايدالانۋ ءۇشىن وسىرگەن.
اتالعان فاكتى بويىنشا قر قك 300-بابىنىڭ ءبىرىنشى بولىگى بويىنشا سوتقا دەيىنگى تەرگەۋ باستالدى.