كەز كەلگەن ايماقتىڭ دامۋى اۋىل مەن اۋداننىڭ كورسەتكىشىنە تىعىز بايلانىستى ەكەنى بەلگىلى. كورسەتكىش بولعاندا دا بۇرىنعىداي سان قۋىپ, ساپانى ۇمىت قالدىرىپ, جوعارى تسيفرلاردى قويا سالاتىن ۋاقىت كەتتى. جۋىردا وتكەن جيىندا وبلىس اكىمى نۇرلىبەك نالىباەۆ الدا وڭىردەگى وزەكتى ماسەلەلەردى سارالاپ, ناقتى جاعدايعا تالداۋ جۇرگىزۋدى تاپسىرعان بولاتىن.
وسى تاپسىرماعا وراي العاشقى بولىپ سىرداريا اۋدانىنىڭ اكىمى مۇرات ەرگەشباەۆ ءوزى باسقاراتىن وڭىردە اتقارىلعان جۇمىستاردى باياندادى. ماجىلىسكە وبلىستىق, اۋداندىق ءماسليحات دەپۋتاتتارى, ارداگەرلەر مەن قوعامدىق كەڭەس توراعالارى, ءتيىستى مەملەكەتتىك ورگان باسشىلارى قاتىستى.
اۋداندار دامۋىن باعالاۋدا الەۋمەتتىك-ەكونوميكالىق كورسەتكىشكە, جوعارى تۇرعان ورگاندار مەن وبلىس اكىمىنىڭ تاپسىرمالارىنىڭ ورىندالۋ بارىسىنا, اۋداننىڭ كادرلىق الەۋەتى مەن قوعامدىق-ساياسي احۋالعا باسا نازار اۋدارىلدى.
وسى جىلعى التى ايدا نەگىزگى ماكروەكونوميكالىق كورسەتكىشتەر رەيتينگىندە سىرداريا ءتورتىنشى ورىن الىپ, ورتاشا دامۋ ديناميكاسىن كورسەتىپ وتىر. وبلىس باسشىسى جىل باسىنان بەرى سىرداريا قۇرىلىس جۇمىستارى كولەمىنىڭ تومەندەۋىنە جول بەرگەن جالعىز اۋدان ەكەنىن ەسكە سالىپ, الدا جوسپارلى كورسەتكىشتەرگە مۇقيات كوڭىل ءبولۋدى جانە سالىنعان نىسانداردىڭ تولىق ەسەبىن جۇرگىزىپ, ستاتيستيكالىق ورگانداردا تىركەلۋىن قامتاماسىز ەتۋدى تاپسىردى. اۋدان بيۋدجەتىندەگى كىرىستەر بولىگىنىڭ ورىندالماۋ قاۋپى بايقالىپ تۇر. رەسپۋبليكالىق بيۋدجەتتەن ناتيجەلى جۇمىسپەن قامتۋ باعىتى بويىنشا بولىنگەن قاراجات تولىق يگەرىلمەۋى مۇمكىن.
اۋداندا جۇمىس ورىندارىن قۇرۋ, يندۋستريالاندىرۋ باعدارلاماسى اياسىندا جوبالاردى ىسكە اسىرۋ بويىنشا جۇمىس قارقىنى باياۋلاعان.
– سىرداريا كاسىپكەرلىك سالاسى بويىنشا كەنجە دامىعان اۋداندار قاتارىندا تۇر. ونىڭ سەبەبىن اۋداننىڭ قىزىلوردا قالاسىنا جاقىن ورنالاسقانىنان ىزدەيتىندەر بار. مۇنى قايتا زور مۇمكىندىك دەر ەدىم. اۋدان باسشىسىنا وسىنداي گەوگرافيالىق ورنالاسۋ ەرەكشەلىگىن پايدالانىپ, قىزىلوردا قالاسىنىڭ اينالاسىنان ازىق-ت ۇلىك بەلدەۋىن قۇرۋدى تاپسىرامىن. ول ءۇشىن اۋداندا باقشا, كوكونىس ونىمدەرىن وسىرۋگە جانە مال, قۇس شارۋاشىلىعىن دامىتۋعا جەتكىلىكتى جاعداي جاسالعان. وسى جۇمىستاردىڭ ءتيىمدى ۇيىمداستىرىلۋى ازىق-ت ۇلىك باعاسىن تۇراقتاندىرۋعا وڭ اسەرىن تيگىزەرى ءسوزسىز, – دەدى ءوڭىر باسشىسى.
مەملەكەت باسشىسى حالىقتىڭ الەۋمەتتىك جاعىنان وسال توپتارىنا كەشەندى قولداۋ كورسەتۋدى ۇيلەستىرۋ ماقساتىندا بارلىق وڭىردە وتباسىن قولداۋ ورتالىقتارىن اشۋدى تاپسىرعانى بەلگىلى. بىراق سىرداريا اۋدانىندا وسى ۋاقىتقا دەيىن «باقىتتى وتباسى» الەۋمەتتىك ءبولىمى اشىلماعان. وبلىس اكىمىنىڭ تۇرعىنداردىڭ ءوزىن-ءوزى الەۋمەتتىك ماڭىزى بار باقشا ونىمدەرىمەن قامتۋى ءۇشىن قوسىمشا 464 گەكتار ەگىستىك جەر دايىنداۋ تۋرالى تاپسىرماسى دا تولىق ورىندالماي وتىر. سوندىقتان اۋدان اكىمىنە وسى باعىتتاعى جۇمىستى تەز ارادا قولعا الۋدى تاپسىردى. اۋداندا اينالىم سحەماسى ارقىلى كاسىپكەرلىك سۋبەكتىلەرىنە زايم بەرۋ جۇمىستارى مۇلدەم ۇيىمداستىرىلماعانى دا ايتىلدى. بيۋدجەت قاراجاتىن ءتيىمدى ءارى ساپالى يگەرۋ, اۋداندا قۇرىلىسى جۇرگىزىلىپ جاتقان نىسانداردى ۋاقتىلى پايدالانۋعا بەرۋ جانە ازىق-ت ۇلىكتىڭ باسىم بولىگى سىرتتان تاسىمالداناتىن وڭىردە ەگىنشىلىكپەن اينالىسام دەۋشىلەرگە جەر تەلىمدەرى تابىستالاتىنىن كەڭىنەن اقپاراتتاندىرۋ, كەلەسى ەگىن ماۋسىمىنا قازىردەن ازىرلەنۋ مىندەتتەلدى. كادرلىق الەۋەتتى دامىتۋعا بايلانىستى اۋدانداردا كەيبىر لاۋازىمدى تۇلعالار, اسىرەسە مەكتەپ جانە بالاباقشا ديرەكتورلارى ءبىر ورىندا ۇزاق جىلدار بويى تاپجىلماي وتىراتىنى ايتىلىپ, ولاردى زاڭناما اياسىندا روتاتسيالاۋدى قاراستىرۋ تاپسىرىلدى. سوڭعى كەزدەرى اۋداندا كەيبىر قىلمىس تۇرلەرى وسكەنى بايقالادى. بۇل رەتتە قۇقىق قورعاۋ ورگاندارى جەرگىلىكتى بيلىك وكىلدەرىمەن بىرلەسىپ, جاپپاي رەيد ۇيىمداستىرىپ, تۇرعىندارعا ساقتىق شارالارى تۋرالى تۇسىندىرمە جۇمىستارىن جۇرگىزگەنى ءجون. بۇل جۇمىستاردى ىسكە اسىرۋ بارىسىندا وبلىستىق جانە اۋداندىق ءماسليحات دەپۋتاتتارى, ارداگەرلەر مەن قوعامدىق كەڭەس مۇشەلەرى دە بەلسەندى اتسالىسۋى كەرەك.
قارماقشى اۋدانىنىڭ اكىمى ادىلبەك ەرسۇلتانوۆ تا تۇيتكىلدى ماسەلەلەردى شەشۋ ءۇشىن اتقارىلعان جۇمىستى باياندادى. جارتىجىلدىقتاعى الەۋمەتتىك-ەكونوميكالىق دامۋ قورىتىندىسىندا قارماقشى 6 ورىندا تۇر. ون كورسەتكىش اراسىندا ونەركاسىپ ءوندىرىسى, وڭدەۋ ونەركاسىبى مەن شاعىن جانە ورتا بيزنەس سۋبەكتىلەرى وندىرگەن ءونىم كولەمى كوڭىل كونشىتپەيدى. وسىنى شيراتۋدى تاپسىرعان وبلىس اكىمى اۋداندا جۇمىس ورىندارىن قۇرۋ, يندۋستريالاندىرۋ باعدارلاماسى اياسىندا جوبالاردى ىسكە اسىرۋ بويىنشا دا قارقىن باياۋلاعانىن اتاپ ءوتتى.
– قارماقشىنىڭ كاسىپكەرلىك سالاسى كەنجەلەپ قالعان اۋداندار قاتارىندا ەكەنى يندۋستريالىق ايماقتا بەس جىلدان بەرى جاڭا جوبا ورنالاسپاعانىنان دا كورىنىپ تۇر. اۋدان اكىمدىگى بيزنەس باستايمىن, كاسىبىن كەڭەيتەمىن دەگەن ىنتالى ازاماتتارمەن تىعىز جۇمىس ىستەپ, ولارعا شىنايى قولداۋ كورسەتۋگە ءتيىس. وڭىردە باقشا, كوكونىس ونىمدەرىن وسىرۋگە جانە مال, قۇس, بالىق شارۋاشىلىعىن دامىتۋعا جەتكىلىكتى جاعداي جاسالعان. سوندىقتان وسى جۇمىستاردى ءتيىستى دەڭگەيدە ۇيىمداستىرۋ اسا ماڭىزدى, – دەدى ءوڭىر باسشىسى.
سوڭعى كەزدەرى قارماقشىدا جول-كولىك وقيعا سالدارىنان قايتىس بولعاندار سانىنىڭ كۇرت وسكەنىنە دە نازار اۋدارىلدى. بۇل اۋداندا دا «باقىتتى وتباسى» ورتالىعى ءبولىمىنىڭ اشىلۋى كەشەۋىلدەپ تۇر. پرەزيدەنت اكىمشىلىگىنىڭ تىكەلەي باقىلاۋىنداعى م ۇلىك يەلەرىنىڭ بىرلەستىكتەرىن قۇرۋ ماسەلەسى دە تياناقتىلىقتى تالاپ ەتەدى. وسى باعىتتاعى جۇمىستى تەز ارادا قولعا الۋ جۇكتەلدى.
بارلىق اۋداننىڭ كورسەتكىشى وسىلاي سارالانادى. ارقايسىسىنىڭ الەۋمەتتىك-ەكونوميكالىق دامۋى باقىلاۋدا بولىپ, مەجەلى كورسەتكىشتەرگە قول جەتكىزە الماعان اۋدان اكىمدەرى مەن وزگە دە لاۋازىمدى تۇلعالارعا شارا قولدانىلادى.
قىزىلوردا وبلىسى