اۆتوزاۋىتتىڭ قارىشتى قادامدارى

الىپ كاسىپورىن بۇگىنگى تاڭدا Chevrolet, Kia, Lada, Renault, UAZ, SAZ اۆتو­موبيلدەرىن قۇراستىرىپ جاتىر. وسىدان 12 جىل بۇرىن ىسكە قوسىلعان زاۋىتتىڭ ءوندىرىسى جىل سايىن كەڭەيىپ, الەۋەتى ارتىپ كەلەدى. ماسەلەن, كاسىپورىن 2019 جىلى 25 875 اۆتوكولىك قۇراستىرىپ شىعارسا, وسى جونىندەگى كورسەتكىش 2020 جىلى 40 050-گە جەتتى. ال 2021 جىلى اۆتوزاۋىت 60 مىڭنان استام كولىك قۇراستىرىپ شىعاردى. ناتيجەسىندە, بىلتىر قوستاناي اۆتوزاۋىتىنىڭ قازاقستان نارى­عىنداعى ۇلەسى 61%-عا جەتتى.

كاسىپورىننىڭ ەكسپورتتىق الەۋەتى دە ەداۋىر ارتىپ كەلەدى. بىل­تىر 7 مىڭ 593 اۆتوكولىك ەكسپورتقا شىعارىلىپتى. قوس­تا­نايدان شىققان كولىكتەردى كو­بىنە رەسەي, قىرعىزستان, وزبەك­ستان, ازەربايجان جانە بەلارۋس مەملەكەتتەرىنىڭ وكىلدەرى الىپ كە­تىپ جاتادى.

– الەمدە كولىك قۇراستىراتىن زاۋىتتاردىڭ ەشقايسىسى بولشەك­تەردى وزدەرى وندىرمەيدى. باسقا جاقتان تاپسىرىسپەن جاساتىپ الدىرادى. ءبىزدىڭ كاسىپورىنداعى جاعداي دا سوعان ۇقساس. ءار كولىك ماركاسىنىڭ تەتىكتەرىن ءوزارا كەلىسىمشارت اياسىندا ءارتۇرلى شەت­ەلدىك زاۋىتتاردان الدىرا­مىز. باستىسى, كولىكتەر بار­لىق شەبەرحاناداعى بىلىكتى ما­مان­داردىڭ قولىنان ءوتىپ, جوعارى تەحنولوگيالى قون­دىر­عىلاردىڭ كومەگىمەن قۇراس­تىرىلادى. جال­پى, نەگىزگى ماق­ساتىمىز – حا­لىقارالىق ساپا نورمالارى­نا سايكەس كەلەتىن باسەكەگە قا­بىلەتتى ءونىم شىعارۋ, – دەدى «سارىارقااۆتوپروم» جشس ديرەكتورى سىرىم سەمەيباەۆ.

2021 جىلى Chevrolet اۆتو­كولىگى قازاقستاندىق تۇ­تى­نۋ­شى­لار تاراپىنان ەڭ جوعارى سۇ­رانىسقا يە بولعانىن ايتا كەت­كەن ءجون. ال ەڭ كوپ ساتىلعان كولىك­تەردىڭ كوشىن Nexia مەن Cobalt باستاپ تۇر. قوستانايلىق زاۋىتتان بىلتىر اتالعان ۇلگىلەر­دەگى 33 508 اۆتوكولىك قۇراس­تى­رىلىپ شىعارىلدى.

كاسىپورىن باسشىسىنىڭ ايتۋىنشا, بيىل زاۋىت Chevrolet Onix, Kia Sportage NQ5 ءون­دىرىسىن ىسكە قوسپاقشى. جوسپار بويىنشا «سارىارقااۆتوپروم» بۇل برەند كولىكتەردىڭ ارقايسىسىن 15 مىڭنان قۇراستىرىپ وتىرماق. ولارعا قوسا 10 مىڭ رەسەيلىك Lada Granta كولىگى جانە اتالعان اۆتوموبيلدەر ءۇشىن CKD جانە ۇساق بولشەكتى جيىنتىقتار جاسالىپ شىعارىلماق.

– بيىلعى قاڭتار مەن ناۋرىز ايلارىنىڭ ارالىعىندا 12,5 مىڭعا جۋىق اۆتوكولىك قۇراس­تىرىلدى. زاۋىت­تىڭ وندى­رىستىك قارقىنى ەندى ەسە­لەنە تۇسپەسە, ەش باسەڭدەمەيدى. بيىل جۇزەگە اسىرىلاتىن جاڭا جوبالارىمىز بار. جىل سوڭىنا قاراي تاعى بىرنەشە جاڭا جەلىنى ىسكە قو­سامىز. سوندىقتان ەلىمىز­دىڭ ىشكى نارى­عىن ساپالى اۆتومو­بيل­دەر­مەن قامتاماسىز ەتە وتىرىپ, زاۋىت­تىڭ ەكسپورتتىق الەۋە­تىن ارتتىرۋ – ءبىزدىڭ باسىم باعىت­تا­رىمىزدىڭ ءبىرى بولىپ قالا بەرەدى, – دەدى كاسىپورىن باسشىسى.

«سارىارقااۆتوپروم» سەرىك­تەستىگىنىڭ بۇگىنگى تولايىم تابىسى وتاندىق ءاۆتووندىرىستى دا­مىتۋعا باعىتتالعان مەملەكەتتىك قولداۋدىڭ مىقتىلىعىنىڭ ناتي­جەسى, سونداي-اق زاۋىت ينجەنەرلەرى مەن قاراپايىم جۇمىسشىلاردىڭ كاسىبي شەبەرلىگىنىڭ, قاجىرلى ەڭبە­گىنىڭ جەمىسى ەكەنى ءسوزسىز. بۇ­گىندە جالپى اۋماعى 86 مىڭ شارشى مەتر بولاتىن زاۋىتتا 7 تسەح توقتاۋسىز جۇمىس ىستەپ تۇر. كا­سىپورىندا ۇزىن سانى 2 مىڭ­نان استام ادام ەڭبەك ەتىپ ءجۇر. جاس مامان, جاڭا كادرلار زاۋىت جانىنان اشىلعان SAP University ورتالىعىندا جۇيەلى تۇر­دە بىلىمدەرىن جەتىلدىرىپ, كاسىبي بىلىك­­تىلىكتەرىن ارتتىرىپ وتىرادى.