باس جۇلدە بولگاريا انشىسىنە بۇيىردى

ونەرلى جاستارعا ءانشى, كومپوزيتور, قازاقستاننىڭ ەڭبەك سىڭىرگەن قايراتكەرى جەڭىس سەي­دول­لا ۇلى, مادەنيەت قاي­رات­كەرى, «بوز­­­­­­­تورعاي» جانە «شاتتىق» حا­­لىق­ارالىق بايقاۋلارىنىڭ ديرەك­تورى, «ۆيتەبسكىدەگى سلا­ۆيان بازارى» حالىقارالىق باي­قاۋىنىڭ قازاقستانداعى وكىلى قار­لىعاش ابدىكارىموۆا, «رەچ­نىە نوتى» جانە «ساراندەۆ» حالىقارالىق فەستيۆالدارىنىڭ رەسمي وكىلى نيكولاي تەكەليەۆ, «ۆيتەبسكتەگى سلاۆيان بازارى» حا­لىق­ارالىق فەستي­ۆا­لى­نىڭ دي­­رەكتورى گلەب لاپيتس­كي, قىر­عىزستان رەس­پۋب­لي­كا­سى­نىڭ ەڭبەك سىڭىرگەن ءارتىسى, «KGتاي» بالالار جوباسىنىڭ اۆ­­تورى جانە پروديۋسەرى, Art Bulak قوعامدىق قورىنىڭ ديرەكتورى گۇلنارا تويعانباەۆا, «ەۆروپا مولودايا» حالىق­ارالىق فەستيۆال-بايقاۋىنىڭ ديرەكتورى, ۋكرايناداعى «مۋزىكالنوە سوزۆەزديە» فەستيۆالىنىڭ ارت-ديرەكتورى تاتيانا اپاناسەنكو سياقتى ونەر قاي­راتكەرلەرى قازى­لىق ەتتى.

ەكى كۇنگە سوزىلعان قوس اينالىمنان سوڭ قازىلار القاسىنىڭ شە­شى­مىمەن باي­قاۋ جەڭىمپازدارى انىقتالدى.

كىشى توپتا قوستاناي وبلىسى, جىتى­قا­را اۋدانىنان كەلگەن يلناز ساتىموۆا جۇل­دەلى 3-ورىننان كورىنسە, 2-ورىن قوس­تا­ناي قالاسىنىڭ جاس ءانشىسى ساعىندىق تۇگەلدىڭ ەنشى­سى­نە بۇ­يىردى. ال 1-ورىندى بۇرىن­داي­دان كەلگەن تامەرلان ابدولا جەڭىپ الدى. ورتا توپ قا­تى­سۋ­شى­­لارى ىشىن­دە جىتى­قارا­لىق ياس­مي­نا ايۋ­­پوۆا 3-ورىن­دى يەلەنسە, 2-ورىن­عا ورال قالا­سى­نان كەلگەن ءمولدىر بازارباي لايىق دەپ تا­نىل­دى. بۇل توپتا نۇر-سۇلتان قالا­سىنىڭ جاس تالانتى ادەل كۇنادىلوۆا ۇزدىك ونەر كورسەتىپ, بايقاۋ جەڭىمپازى اتاندى.

ەرەسەك جاستاعى ونەرپاز­دار­دىڭ ىشى­نەن ەلوردالىق ەراسىل مۇقانوۆ ءۇشىن­شى, بىشكەكتەن كەل­گەن ايداي بال­باەۆا ەكىنشى ورىندى قاناعات تۇتسا, 1-ورىندى نۇر-سۇلتان قالاسىنىڭ جاس ءان­شىسى الينا ساعىنباەۆا جەڭىپ الدى. باي­قاۋدىڭ ناعىز قىز­­عان تۇ­­سىندا «شەبەر­لەر» توبىنداعى ونەرپازدار ساحناعا كوتەرىلدى. بۇل توپتا ونەر كورسەت­كەن ان­شى­­لەردىڭ جاستىعىنا قارا­ماس­تان ابدەن ىسىلىپ قالعانى كو­رى­نىپ-اق تۇردى. قازى­لار ال­قا­سى «شەبەرلەردىڭ» ىشى­نەن ەلوردالىق باعداۋلەت ەرماحاندى 3-ورىنعا لايىق دەپ تاپتى. ەل استا­ناسىنان كەلگەن تاعى ءبىر جاس ءانشى ءدىلناز ساپار­عا­­ليەۆا ەكىنشى ورىندى ەن­شى­لە­­دى. 1-ورىن ارمەنيا ءانشىسى تاتەۆيك ارتسرۋنيانعا بۇيىردى. ال «التىن ميكروفون-2022» حا­لىقارالىق بايقاۋىنىڭ باس جۇل­دەسىن بولگاريا ەلىنەن كەلگەن جاس دارىن سلاۆەيا يۆانوۆا جەڭىپ الدى.

ونەر بايقاۋىنىڭ ماراپاتتاۋ راسى­مى­نە وبلىس اكىمىنىڭ ورىنباسارى باقىت ەسىموۆا قا­تىسىپ, جاس ونەرپازداردى قۇت­­تىقتادى.

– «التىن ميكروفون» حالىق­ارا­لىق بايقاۋى قوستانايدىڭ تاڭداۋلى ونەر جوبالارىنىڭ ءبىرى بولىپ تابىلادى. بۇل بايقاۋ جەرگىلىكتى دارىندى بالالاردىڭ حالىق­ارالىق دەڭگەيگە شىعۋىنا جول اشادى. جىل سايىن جاڭا ەسىمدەر انىقتالىپ, ولار ءتۇرلى دەڭگەيدەگى اسۋلاردى باعىندىرىپ جۇرگەنىنە كۋا بولىپ جاتامىز. ماسەلەن, ەرنار سادىرباەۆ, بالۋان بەركەنوۆ, تاعى دا باسقا بۇ­گىن­دە ەسىمدەرى بۇكىل ەلگە تانىمال بول­عان ونەر­پازدار وسى باي­قاۋ­دان قاناتتانىپ شىقتى, – دەدى ب.ەسىموۆا.