«كيىك» كەڭ اۋقىمدى تابيعاتتى قورعاۋ اكتسياسى 15 ءساۋىر مەن 15 مامىر ارالىعىندا وتكىزىلەدى.
ەلىمىزدىڭ 12 وبلىسىندا جۇرگىزىلەتىن شارا ەكولوگيا, گەولوگيا جانە تابيعي رەسۋرستار مينيسترلىگى, ىشكى ىستەر مينيسترلىگى جانە ۇلتتىق قاۋىپسىزدىك كوميتەتىنىڭ بىرلەسكەن بۇيرىعى نەگىزىندە ۇيىمداستىرىلادى.
قىزىلورداداعى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا «وحوتزووپروم ءوب» رمقك وڭىرلىك فيليالى باسشىسى بەرىك جورابەكوۆ اكتسيا اياسىندا اتقارىلار جۇمىستارعا توقتالدى.
– ەلىمىزدە بۇل جانۋاردى 2023 جىلعا دەيىن اۋلاۋعا, ەتىن پايدالانۋعا تىيىم سالىنعان. بيىل جىلداعىداي وبلىستىڭ سولتۇستىك-شىعىس بەتكەيىندەگى قاراقۇمدى بەتپاقدالادان اۋعان 30 مىڭعا جۋىق كيىك قىستاپ شىقتى. اكتسيا شەڭبەرىندە قۇقىق قورعاۋ ورگاندارىمەن بىرلەسىپ قىزىلوردا – اقتوبە, قىزىلوردا – جەزقازعان جانە قىزىلوردا – تۇركىستان باعىتىنداعى جولداردا موبيلدىك توپتار جۇمىس ىستەيدى, – دەدى ول.
قىزىلوردا وبلىسى