الماتى وبلىسىنىڭ قۇتقارۋشىلارى وبلىس تۇرعىندارىن قار باسقان بەتكەيلەرگە شىقپاۋعا شاقىردى, دەپ حابارلايدى Egemen.kz.
ۆەدومستۆونىڭ مالىمەتىنشە, الماتى وبلىسىنىڭ تاۋلى ايماقتارىندا 1-4 ءساۋىر ارالىعىندا قار كوشكىنى ءجۇرۋ قاۋپى بار.
«توتەنشە جاعدايلار دەپارتامەنتى ازاماتتاردى, تۋريستەردى جانە دەمالۋشىلاردى قار كوشكىنىنىڭ بولۋىنا بايلانىستى قار باسقان بەتكەيلەرگە شىقپاۋعا, سونداي-اق تاۋلى ايماقتاردا بارلىق قاۋىپسىزدىك شارالارى مەن ءتارتىپتى ساقتاۋعا شاقىرادى.
الماتى وبلىسىنىڭ اۋماعىندا 109 كوشكىن قاۋپى بار ۋچاسكەلەر بار, ولار ەڭبەكشىقازاق, تالعار, قاراساي, سارقان جانە ەسكەلدى اۋداندارىندا, سونداي-اق تەكەلى قالاسىندا, ىلە - الاتاۋ جوتاسىنىڭ وڭتۇستىك بەتكەيىندە جانە جەتىسۋ الاتاۋىنىڭ سولتۇستىك جوتاسىندا ورنالاسقان», دەپ حابارلادى تجد.