«وتباسى بانك» باسپاناعا جەتەلەيدى

رەسپۋبليكا بويىنشا 74 مىڭنان استام قازاقستاندىق زەينەتاقى قورىن­دا­عى جەتكىلىكتىلىك شەگىنەن اساتىن قارا­جاتپەن «وتباسى بانكتەگى» («باي­تە­رەك» حول­دينگىنىڭ ەنشىلەس ۇيىمى) دەپو­زيت­تە­رىن جالپى سوماسى 129 ملرد تەڭگەگە تو­لىق­تىر­عان. كۇن سايىن ءبىر مىڭعا جۋىق ادام بىرجولعى زەينەتاقى تولەمدەرىن بانك­تەگى جيناق شوتتارىنا اۋدارادى, ون­دا­­عى ورتاشا سوما 1,7 ملن تەڭگە.

وتكەن جىلدىڭ 16 جەلتوقسانىندا تۇر­عىن ءۇي جاعدايىن جاقسارتۋ ماقساتىندا بىر­جولعى زەينەتاقى تولەمدەرىن (بزت) پايدالانۋ قاعيدالارىنا ەنگىزىلگەن وزگەرىستەر كۇشىنە ەنگەننەن كەيىن, قازاقستاندىقتار ءۇشىن «وتباسى بانكتەگى» دەپوزيتتى تو­لىق­تىرۋ مۇمكىندىگى قولجەتىمدى بولدى. ونى جەتكىلىكتىلىك شەگىنەن اساتىن زەي­نەت­اق­ى جيناقتارى العاشقى جارنا رەتىندە قول­دا­نۋعا جانە تۇرعىن ءۇيدى تولىق ساتىپ الۋعا جەتكىلىكسىز بولىپ تۇرعان ازاماتتار قول­داندى.

«وتباسى بانكتەگى» دەپوزيتتەرىن تو­لىق­تىرا وتىرىپ, قازاقستاندىقتار بولا­شاق باس­پاناسىنا قاجەتتى قاراجاتتى جي­ناي الادى. ويتكەنى بۇل قاراجاتقا تۇر­عىن ءۇي قۇرىلىس جيناق جۇيەسىنىڭ بار­لىق ستاندارتتى شارتتارى تيەسىلى بولادى. ياعني بزت قوسىلعان شوتتارعا جىل سايىن 2% بانك سىياقىسى مەن 200 اەك-تەن اسپايتىن جيناق سوماسىنا 20% مەم­لەكەتتىك سىيلىقاقى بەرىلەدى. ال­عاش­­قى جارنا جينالعاننان كەيىن بۇل دە­پو­زيتتىڭ كومەگىمەن بانكتەن 3,5%-دان 8,5%-عا دەيىنگى مولشەرلەمەمەن نەسيە الۋعا بولادى.

Enpf-otbasy.kz پلاتفورماسىنىڭ ىسكە قوسىلعانىنا جىلدان استى. وسى ۋاقىت ارالىعىندا 623 مىڭعا جۋىق قازاقستاندىق جالپى سوماسى 2,3 ترلن تەڭگە بولاتىن بىرجولعى زەينەتاقى تولەمدەرىن تۇرعىن ءۇي جاعدايىن جاقسارتۋ مەن ەمدەلۋگە جۇمساعان. بۇل لەكتىڭ العاشقى قاتارىندا بزت-ءىن تىكەلەي ساتىپ الۋعا جۇمساعاندار تۇر. ولاردىڭ سانى – 238 مىڭ. ەكىنشى ورىندا – زەينەتاقى قورىنداعى ارتىق قارا­جاتتى ەمدەلۋگە جۇمساعاندار. بۇل ماقساتتى 149 مىڭنان استام ازامات تاڭ­داعان. ءۇشىنشى ورىندا – «وتباسى بانك­تەگى» دەپوزيتتەرىن تولىقتىرعان قازاق­ستان­دىقتار تۇر. ولار جالپى كولەمى 129 ملرد تەڭگەدەن استام سومانى جيناق شوتتارىنا اۋدارعان. ءتورتىنشى ورىندا – نەسيە بويىنشا قارىزدى وتەگەندەر تۇر, بۇل وپتسيانى 73 مىڭنان استام بانك كليەنتى قولدانعان ەكەن.

بىرجولعى زەينەتاقى تولەمىن «وتباسى بانك» دەپوزيتىنە اۋدارۋ – بولاشاق باس­پا­ناسىنا قاراجات جيناپ جۇرگەن جاس­­تار ءۇشىن – جاقسى مۇمكىندىك. قازىر بانك­تەگى جيناق شوتتارىن جەتكىلىكتىلىك شە­گى­نەن اساتىن زەينەتاقى جيناقتارىمەن تولىق­تىر­عانداردىڭ 30,4 پايىزى 35 جاسقا دە­يىن­گى جاستار بولىپ وتىر.

«وتباسى بانكتەگى» بزت قوسىلعان دە­پو­زيت كومەگىمەن ءۇش جىل ىشىندە ءبىر بانك­تىك قارىز شارتى بويىنشا باسپانا الۋ ءۇشىن تۇرعىن ءۇي, ارالىق نەمەسە الدىن الا زاەم الۋعا, سونىڭ ىشىندە جون­دەۋ جۇمىستارىن جۇرگىزۋگە بولادى. سونداي-اق «وتباسى بانكتە» نەسيەنى قايتا قار­جى­لاندىرۋعا جانە جەكە تۇرعىن ءۇي قۇرى­لى­سىن جۇرگىزۋگە (سونىڭ ىشىندە جەكە تۇرعىن ءۇي قۇرىلىسى نەمەسە جەكە قوسالقى شارۋاشىلىق سياقتى نىسانالى ماقساتى بار جەر تەلىمىن ساتىپ الۋدى قوسا العاندا) پايدالانۋعا بولادى.

وسى جىلدىڭ 5 ناۋرىزىنان باستاپ بجزق سالىمشىسى شەشىمىن وزگەرتكەن جاع­دايدا, «وتباسى بانكتەگى» دەپوزيتتى جاپ­پاي, بزت زەينەتاقى قورىنا قايتادان قاي­تارۋ مۇمكىندىگى تۋىپ وتىر. بۇرىن بۇل سالىمدى توقتاتۋ شارتىمەن عانا جۇزەگە اسىرىلاتىن. ازاماتتاردىڭ ءوتىنىشى بو­يىن­شا «وتباسى بانك» بۇل پروتسەستى ايتار­لىق­تاي وڭتايلاندىردى.

بيىلعى جىلدىڭ 1 ساۋىرىنەن باستاپ زەينەتاقى جيناقتارىنىڭ جەتكىلىكتىلىك شەگى كوتەرىلەدى. «رەسپۋبليكالىق بيۋدجەت تۋرالى» زاڭعا سايكەس, ەڭ تومەنگى جالاقى, زەي­نەتاقى, كۇنكورىس دەڭگەيى سەكىلدى بىر­قا­تار الەۋمەتتىك كورسەتكىشتەگى وزگە­رىس­تەرگە بايلانىستى, ۇكىمەت بەلگىلەگەن ادىستەمەگە ساي, زەينەتاقى جيناقتارىنىڭ جاڭا جەت­كى­لىكتىلىك شەگى بەلگىلەنەدى. ال بزت-ءىن بۇ­رىن­عى شەكتى ماندەرگە سايكەس پايدالانۋ ءۇشىن قازاقستاندىقتار 2022 جىلدىڭ 28-29 ناۋ­رىزىنا دەيىن enpf-otbasy.kz پلاتفورماسى ارقىلى ءوتىنىش بەرۋلەرى قاجەت.

بزت «وتباسى بانكتەگى» ارنايى شوتقا تۇسكەن كۇننەن باستاپ سالىمشىعا تاڭداعان ماق­سا­تىن راستاپ, قاجەتتى قۇجاتتاردى تىركەپ ۇلگەرۋ ءۇشىن 20 جۇمىس كۇنى بەرىلەدى. ونى enpf-otbasy.kz پورتالىنداعى جەكە كابي­نەتتە جاساۋعا بولادى. تۇرعىن ءۇي جاع­دا­يىن جاقسارتۋ بويىنشا – 15, ەمدەلۋ بو­يىنشا 7 ماقسات بار. ولاردىڭ ارقاي­سى­سى بويىنشا قاجەتتى قۇجاتتار ءتىزىمى پورتالدا جاريالانعان.

بريفينگتە «وتباسى بانك» اق قى­زىل­وردا فيليالىنىڭ ديرەكتورى ءادىلجان ساۋلەباەۆ وبلىستا زەينەتاقى قو­رىن­­داعى قاجەتتى مولشەردەن ارتىق سوماعا باسپانا العان نەمەسە جيناق قارا­جا­تىن تولتىرعان تۇرعىندار كوبەيگەنىن دە ايتىپ ءوتتى. جالپى, ەلىمىز بويىنشا جەتكىلىكتىلىك مول­شە­رىنەن اسقان سومانى پايدالانۋ بويىنشا ماڭعىستاۋ وبلىسى, نۇر-سۇلتان جانە الماتى قالالارى الدا تۇر.

ال قىزىلوردا وبلىسى بويىنشا زەي­نەت­اقى تولەمدەرىندەگى ارتىق سومانى 21 مىڭنان اسا تۇرعىن پايدالانعان. ولاردىڭ كوبى باسپانا ساتىپ العان, سونداي-اق قوردان العان اقشاسىن نەسيەسىن وتەۋگە, ەم-دومعا جۇمساعاندار دا بار.

زەينەتاقى قورىنداعى ارتىلعان سومانى تۇرعىن ءۇي جاعدايىن جاقسارتۋ ماقسا­تىن­دا پايدالانۋ بويىنشا وڭىردە 1436 ادام «وتباسى بانكتەگى» قارىزىن ءىشىنا­را نەمەسە تولىق وتەگەن. بانكتەن يپو­تەكامەن ءۇي العاندار سانى – 647 ادام. بۇعان قوسا, 7 734 تۇرعىن بانكتەن نەسيە ال­ماي-اق, قورداعى ارتىق اقشاسىنا باسپانا ساتىپ العان.

جەتكىلىكتىلىك شەگىنەن اساتىن سومانى جەر تەلىمىن ساتىپ الۋ ارقىلى جەكە تۇرعىن ءۇي قۇرىلىسىنا جۇمسايتىندار از بولىپ تۇر.

– بۇل, بىرىنشىدەن, قۇرىلىس ماتەريال­دا­رىنىڭ قىمباتتاۋىنا بايلانىستى, – دەيدى «وتباسى بانكتىڭ» قىزىلوردا وب­لىس­­­تىق فيليالىنىڭ ديرەكتورى ءادىلجان ساۋلەباەۆ. – ونىڭ ۇستىنە پاندە­ميا كە­زىن­دە جەكە ءۇي قۇرىلىسى ءبىراز كى­دىرىپ قالدى. وسى­عان وراي بانك كليەنت­تە­رىنىڭ كوپشىلىگى ارتىق اقشانى دەپوزيتكە جيناۋ­دى دۇرىس كورىپ وتىر. بۇل قارجىنى 3 جىل كو­لە­مىن­دە تۇرعىن ءۇي جاعدايىن جاقسارتۋ­عا پايدالانۋعا بولادى.

سونىمەن قىزىلوردالىق 21 مىڭنان استام تۇرعىن زەينەتاقى قورىنداعى جەت­كى­­لىك­تىلىك مولشەرىنەن اسقان 47 ميل­ليار­د­­تان استام قاراجاتىن يگىلىگىنە پاي­دا­­لان­­عان.

قىزىلوردا سوڭعى جىلدارى قۇرىلىسى قارقىندى دامىعان وڭىرلەر قاتارىنان كورىنىپ ءجۇر. جىل سايىن وبلىس ورتالىعى مەن اۋدانداردان ءتۇرلى مەملەكەتتىك باع­دارلامالار مەن كاسىپكەرلەردىڭ ءوز قارا­جات­تارى ەسەبىنەن كوپقاباتتى ۇيلەر سالىنىپ, مىڭداعان ادام كوپتەن كۇتكەن باسپانالارىنا قول جەتكىزىپ كەلەدى. بۇل يگىلىكتى ىستە «وتباسى بانكتىڭ» دە ۇلكەن ۇلەسى بارىن ايتا كەتۋىمىز كەرەك. وسى جىلى وبلىس ورتا­لىعىنداعى «سپمك-70» شاعىن اۋدانىندا پايدالانۋعا بەرىلەتىن 640 پاتەرلىك 13 تۇرعىن ۇيگە جەرگىلىكتى تۇرعىندار «وت­با­سى بانكتىڭ» نەسيەلەندىرۋىنىڭ ارقاسىندا قول جەتكىزبەك.

بريفينگتە بجزق قىزىلوردا وبلىس­تىق فيليالى ديرەكتورىنىڭ ورىنباسارى الماس سارسەنباەۆ مەملەكەت باسشى­سى­نىڭ زەينەتاقى جيناقتارىنىڭ شەكتى مەجەسىن كوتەرۋدى كەيىنگە شەگەرۋ تۋرالى شەشىمى مىڭداعان ازاماتارعا ۇلكەن قول­داۋ بولعانىن ايتىپ, ارتىلعان سومانى پايدالانۋ تۋرالى ءوتىنىم جولداۋ ءتارتىبى, بزت-ءنىڭ ارنايى شوتتا ساقتالۋ مەرزىمى تۋرالى باياندادى. وسى ۋاقىتقا دەيىن قورعا كە­لىپ تۇسكەن كەيبىر وتىنىمدەردىڭ كەرى قاي­تا­رىلعانىن دا جەتكىزدى. ونىڭ سەبەبى ءار­تۇرلى. بىرىندە سۇراتىلعان سوما اسىپ كەت­كەن, وتىنىمدەر بىرنەشە رەت جىبەرىلگەن دەرەكتەر دە بار. ءتىپتى كەي ازاماتتار قوردا جەكە زەينەتاقى شوتى بولماسا دا ءوتىنىم بەرگەن.

سىر وڭىرىندە 15 اي كولەمىندە 29 600 ءوتىنىم قابىلدانىپ, سونىڭ ىشىندە 22 334 وتىنىمگە سايكەس 54 ملرد تەڭگەدەن استام قاراجات جىبەرىلدى. قور وكىلى مۇم­كىن­دى­گىن­شە 31 ناۋرىزعا دەيىن كەلىپ تۇسكەن وتىنىم­دەر­گە سايكەس جەتكىلىكتى شەگى بويىنشا قارا­­جات اۋدارىلاتىنىن ايتتى.

سو­نىمەن قاتار بجزق وبلىستىق فيليا­­لىنا كەلگەن سالىمشىلاردىڭ جەت­كى­لىك­تىلىك شەگى جايلى ۇسىنىس-پىكىر­لە­رى جي­ناق­تالىپ, ءتيىستى ورىندارعا جولدانىپ وتىر.

قىزىلوردا