ءمادريدتىڭ «رەال» فۋتبول كلۋبىنىڭ شابۋىلشىسى, بەلگيالىق فۋتبولشى ەدەن ازار قىسقى ترانسفەر كەزىندە يسپانيا استاناسىنان كەتۋگە بەكىنىپ وتىر. بۇل تۋرالى جۋرناليست ساشا تاۆولەري ءوزىنىڭ الەۋمەتتىك جەلىدەگى پاراقشالارىندا جازدى, دەپ حابارلايدى Egemen.kz.
ول كەلتىرگەن دەرەكتەرگە سەنسەك, كورولدىك كلۋب بەلگيالىق فۋتبولشىنى ەركىنە جىبەرۋگە دايىن كورىنەدى. بۇعان دەيىن «رەال» فۋتبول كلۋبىنىڭ جەتەكشىلەرى ازاردى «چەلسيدىڭ» قورعاۋشىسى ريس دجەيمسكە اۋىستىرۋعا نيەتتى ەكەنى تۋرالى اقپارات تاراعان بولاتىن. «رەالدىڭ» جانكۇيەرلەرى دە ازاردى كوماندا ساپىنان كورۋگە قۇلشىنىپ وتىرعان جوق.
ەدەن ازار 2019 جىلى «رەال» جەيدەسىن كيگەن ەدى. وسى ماۋسىمدا ول كلۋب ساپىندا 13 مارتە جاسىل الاڭعا شىعىپ, ءبىر ناتيجەلى پاستىڭ اۆتورى اتاندى دەمەسەڭىز, باسقا قاتىرعان تۇگى جوق. الايدا ونىڭ كلۋبپەن كەلىسىمشارتى 2024 جىلعى ماۋسىمدا عانا اياقتالادى.